潮叔 (駱駝漆大廈第三座) (Closed)

呢日同屋企人去左觀塘工廈搵好野食，我地去左駱駝漆大廈呢間小店食火鍋。打開餐牌，見到有好抵食既一人火鍋，只要$88！多啲人既話就可以揀$268既超值火鍋。今次我地一人揀左一個火鍋，主食7揀1，另外再自選湯底同麵底，再跟一份五寶丸同時令菜藍，好豐富，真係超級高性價比！主食方面，我揀左呢到既招牌吊龍，佢既肉質爽口，有香濃肉味。屋企人就揀左黃喉，口感爽脆彈牙，好好食！加埋蔬菜籃夠哂健康啊。湯底分別粟米蘿蔔湯同埋蕃茄薯仔湯。