美味小鮮肉 (Closed)

今日經過見到有間餐廳門口的價錢十分吸引到我，美味一人套餐都是六十多元好抵食，終於忍不住入去試一試，入到去原來這裡都不少人食一人火鍋，我就叫了一個沙爹湯底，不久一盆般的材料就來到，入面有牛肉都幾厚身，十分好味，厚身不硬身，香濃牛肉味有驚喜。有幾款都是自家制牛丸仲有豬肉丸都十分彈牙，豬肉餅大片，蔬菜都有不少岩晒食沙爹吸味，菜同金菇菜十分新鮮，蘿蔔好甜切薄身好快熟，當然仲有必叫的粟米都幾甜，麵我就選擇了烏冬口感都不錯，食完剛剛好。之後我加了一個特飲羅果水，少少凍又解渴，仲要不太甜幾好飲。可以下次同朋友一起來再食不同湯底。