LA Restaurant & Dessert Bar (Closed)

見到人地介紹超抵食, 所以今日做完野後自己一個走咗黎呢間試食, 想睇下又幾吸引。小妹咁大個真係未食過威靈頓牛扒, 何謂正宗真係唔知, 不過見有人介紹, LUNCH又咁抵就去試啦。一黎都無點睇餐牌就叫咗威靈頓牛扒, 反正一早決定要試呢個, 所以唔駛1分鍾己經落咗個柯打。但等就等咗十幾分鍾, 可能係即焗, 所以都OK GE。但趕時間就唔好食呢個啦。酥皮幾好食, 夠脆,不會太乾, 但一切碎哂, 有啲難搞。牛就邊位有啲乾, 叫左五成,食個時醒唔起,但食到一半時就發現點解好似有啲乾, 有少少肉汁GE, 但熟咗啲, 似七成。下次要試下三成。配菜叫咗薯條, 都幾好食, 夠脆。唔記得講,個汁係黑椒汁, 幾香, 但少咗啲, 下次要叫多汁。不過講真, 牛扒我唔鍾意用黑椒汁, 因為味太濃,會蓋過啲牛味。聽人講牛舌飯都好食, 或者下次會試下牛舌飯。