南小館 (Closed)

自從喺大陸食完某間酸菜魚之後, 一直都好掛住，雖然香港好似開左間分店，但應該又要大排長龍，如果唔想排隊，我想食到比較好味嘅酸菜魚，可以考慮南小館。佢嘅酸菜魚同平時我哋見到好大碟嘅唔同，佢係用一個小窩上，份量比起我係大陸食大大盤嘅細好多。佢有幾隻辣椒仔同一啲胡椒，食落去重胡椒味，佢亦都比起平時喺大陸食嘅冇咁油，所以如果唔想排隊，又唔想食咁油嘅，的確可以去南小館試吓佢嘅酸菜魚，都唔錯架。除咗個酸菜魚，嗰日我哋仲叫咗個蝦肉雲吞麵，個雲吞都幾有驚喜，入面好足料，淡淡蝦肉，每食一啖都充斥着蝦嘅鮮味。當然又唔小得食甜品嘅環節啦，我好鍾意食紅棗糕嘅，平時去飲茶都一定會叫，呢度係紅棗糕整得好精緻，叫人賞心悅目，不過紅棗味略嫌較淡，鍾意濃味嘅朋友未必會鍾意啦。