Video
Read full review
2023-07-16
86 views
《湯•米(將軍澳)》今日買左飛去將軍澳睇戲，於是入場之前就去左呢間叫做湯•米嘅台式臭臭鍋食。由於今日做野太忙無食到lunch，於是見到menu上嘅野食都幾吸引就忍唔住水樣樣都叫啲😋🇹🇭泰式海鮮鍋天氣咁熱食臭臭鍋都想食啲開胃嘅口味，所以就揀左呢個酸酸辣辣嘅鍋式，味道雖然無地道泰國菜館咁正宗但都好足料夠味👍🏻 而配料方面有爽口嘅大蝦青口，吸味精選嘅蟹棒豆腐芽菜支竹薯仔粟米。作為芫荽控，見到店家加多一大把芫荽，成個鍋啲味道升華左🆙🐷藥膳豚肉鍋我對藥膳都有一定程度嘅忠愛🤤去飲茶都會叫個藥膳雞腳所以對於藥膳乜乜乜都會想試🫶🏻呢度嘅藥膳豚肉鍋本身湯底都足料夠味，仲有枸杞紅棗蟲草花越滾越出味👍🏻另外豚肉份量好多有6-7片同埋配料都同海鮮鍋一樣咁豐富，絕對唔會餓住走。🧆鹽酥系列由於太餓嘅關係，一行兩人除左叫上面講兩個鍋之外經店家推介之下我地都叫左佢地三樣嘅鹽酥小食。鹽酥臭豆腐真心有台灣街邊小店嘅風味，係廚房炸起未上到枱我已經好有把握咁話一定係我地個臭豆腐嚟緊，味道香味口感都好掂🤪鹽酥花枝墨魚丸出奇地好食，我自己都試過整呢個但係好容易炸得太耐粒花枝丸乾哂摷哂皮，一係就粒太出水太勁整完出嚟冧哂，所以都係建
今日買左飛去將軍澳睇戲，於是入場之前就去左呢間叫做湯•米嘅台式臭臭鍋食。由於今日做野太忙無食到lunch，於是見到menu上嘅野食都幾吸引就忍唔住水樣樣都叫啲😋
🇹🇭泰式海鮮鍋
天氣咁熱食臭臭鍋都想食啲開胃嘅口味，所以就揀左呢個酸酸辣辣嘅鍋式，味道雖然無地道泰國菜館咁正宗但都好足料夠味👍🏻 而配料方面有爽口嘅大蝦青口，吸味精選嘅蟹棒豆腐芽菜支竹薯仔粟米。作為芫荽控，見到店家加多一大把芫荽，成個鍋啲味道升華左🆙
🐷藥膳豚肉鍋
我對藥膳都有一定程度嘅忠愛🤤去飲茶都會叫個藥膳雞腳所以對於藥膳乜乜乜都會想試🫶🏻呢度嘅藥膳豚肉鍋本身湯底都足料夠味，仲有枸杞紅棗蟲草花越滾越出味👍🏻另外豚肉份量好多有6-7片同埋配料都同海鮮鍋一樣咁豐富，絕對唔會餓住走。
🧆鹽酥系列
由於太餓嘅關係，一行兩人除左叫上面講兩個鍋之外經店家推介之下我地都叫左佢地三樣嘅鹽酥小食。鹽酥臭豆腐真心有台灣街邊小店嘅風味，係廚房炸起未上到枱我已經好有把握咁話一定係我地個臭豆腐嚟緊，味道香味口感都好掂🤪鹽酥花枝墨魚丸出奇地好食，我自己都試過整呢個但係好容易炸得太耐粒花枝丸乾哂摷哂皮，一係就粒太出水太勁整完出嚟冧哂，所以都係建議嚟呢度食呢個彈牙得嚟表面乾身咬落juicy😆鹽酥金針菇冬菇都有驚喜，炸粉好薄之餘菇夠乾身但味落都有汁流出嚟，而且唔會成完成口油，無好膩😋
呢度嘅台飲都做到出面連鎖鋪嘅水準，我地叫左一杯芝士茶王8號加珍珠同埋芋香珍珠奶茶，一邊食熱辣辣嘅鍋同咁熱氣嘅小食一邊配住微糖台飲，啲罪惡感即刻消除哂🤭
食物質素 ⭐️⭐️⭐️⭐️/5
用餐體驗 ⭐️⭐️⭐️⭐️⭐️/5
性價比 ⭐️⭐️⭐️⭐️/5
如果你都想試下呢間有齊各種地道台式餐飲，記得bookmark定呢間餐廳，約埋三五知己一齊嚟試下👨👨👧👦
泰式海鮮鍋
$103
4 views
0 likes
0 comments
藥膳豚肉鍋
$96
6 views
0 likes
0 comments
鹽酥臭豆腐
$42
3 views
0 likes
0 comments
鹽酥花枝墨魚丸
$41
4 views
0 likes
0 comments
鹽酥金針菇與冬菇
$40
3 views
0 likes
0 comments
芋香珍珠奶茶
$28
1 views
0 likes
0 comments
芝士茶王8號加珍珠
$39
2 views
0 likes
0 comments
Post
