十二味 (LADDER Dundas) (Closed)

一個人lunch食咩好？出開旺角，緊係揀間簡單得黎又好食嘅，就係位於彌敦道近油麻地嘅十二味~第二次黎打卡，味道一如既往的好😋門店唔算大，一眼望曬大概12張2人台，3張6人台，2個自私位，適合少人嘅聚會。見到menu就好有選擇困難症，樣樣都好好食，今日決定食招牌酸菜魚🐟根據上次經驗，以為要等30分鐘先會到，估唔到今次10分鐘就要有得食。可能今日人少，如果人多，要搵姐姐追！！(唔好怕醜亦唔需要勞氣，早追早食，一定要追)賣相好吸引，大概有13件魚，而且幾大塊。配菜有酸菜，萵筍，醃蘿蔔，杏鮑菇。加一碗白飯，份量好夠。午餐係有配杯嘢飲，我揀咗酸梅湯，個人感覺口感太濃，可以溝淡d，易入口d😂今日特別值得一讚嘅係前菜: 醃木耳，少少酸，少少辣，少少凍，加起來無論口感定味道都非常好，比起上一次的炸黃豆出色太多了~另外有位姐姐都好值得讚，係隔離檯上餸時講咗句"呢個麵好好食ga，我都成日食😆"，感覺即刻想試一試碗麵總體而言，坐一人自閉位係好舒服，味道不錯，唔趕人，唔尷尬，一人食の首選。