HAHA CHICKEN 하하치킨 (西九龍中心)

Open Now

Now Closed

最近中意食炸雞，兩個星期內計埋今次，已經食左三次😅。不過今次呢間可能係foodcourt嘅原因，所以無咁韓Feel。辣芝士炸雞(半份) $89男友中意食乾身嘅炸雞，所以首選係芝士味，但呢度居然有辣芝士粉味，緊係要試!! 😏半份有7大件，而且每件360度都沾滿紅色芝士味，外貎非常誘人🤤食落一d都唔辣、少少甜、芝士味幾出，但又唔會好似巴馬臣芝士粉咁臭。炸雞炸到外層好脆，內裡仲有少少肉汁，食落似雞胸肉多過似雞髀肉，油膩感唔重。我敢講自己一個人食半份完全無難度🙊酥炸魷魚餐 $56揀左蒜味，唔算好蒜。炸魷魚好有魷魚味，可惜炸過龍，好硬😨。安東雞飯呢個飯我地覺得好難食，同韓式安東雞完全扯唔上關係。入口只有好強列嘅蒜味，每人試左少少就掉左。😣跟餐以優惠價$20細薯條粟米濃湯味就係平時成日見果款粟米濃湯薯波個味，無乜特別。下次都係食番自己中意嘅紫菜。