Lady M

Open Now

Now Closed

Lady M聽就聽得多 食就真係一次都未食過 但都想試下係咪真係人地講到咁好食 難得今日去行街個商場有呢間野 咁就順便買幾件返屋企試下 一去到見到有條隊排梗 以為買件蛋糕都要排隊 原來條隊係排梗堂食 乜原來堂食會好食啲架咩 食件蛋糕都要排長龍 洗唔洗丫 後尾先知買外賣係另一邊 係唔洗排隊 直接買得 千層蛋糕口味都有好多款 我地揀左三件唔同味道 見佢個包裝都幾好 有埋膠叉俾我地 千層蛋糕既賣相係幾靚 我地揀左一件伯爵茶 一件抹茶 一件提拉米蘇 食落覺得佢係一件好普通既千層蛋糕 唔覺特別好食 仲要成$70幾蚊先得一件 得個貴字 出面有更多好味過佢平過佢既千層蛋糕選擇 呢間野 食一次就夠 冇人地講到咁好食 或者係我唔識欣賞