Video
Read full review
2024-09-02
902 views
老爺奶奶成日都食屋企附近茶樓，今次試下新野 好食就可以帶佢地去門面藍色主調 內裡座位多是卡位 是新派小茶居的感覺 好適合1-6人嘆茶，座位之間闊落 坐得舒服 世一燒賣拼盤 $98 一個燒賣拼盤就有12個口味: 🔸鮑魚燒賣🔸懷舊燒賣皇🔸鵪鶉蛋燒賣🔸乾蒸牛肉燒賣🔹泡椒燒賣🔹麻辣牛肉燒賣🔹花椒辣燒賣🔸黑椒墨魚燒賣🔸梅菜扣肉燒賣🔸蕃茄海鮮燒賣🔸爆汁墨魚燒賣🔸芫荽馬蹄豬肉燒賣佢地幾款辣路線 講真都辣得到位，老公鍾意食辣 所以試左少少就比老公食晒，自己就最愛鵪鶉蛋燒賣 鵪鶉蛋放燒賣底部包住 味道同口感都融合 同埋佢個淺紫色燒賣皮好靚😍，師傅幾有諗頭 12款仲要粒粒有造型，最欣賞地方係每款燒賣加入獨特味道同時 仍保持到燒賣應有的味道同感覺，唔會變成另一道點心👍🏻南北杏菜膽燉豬肺 $39鍾意飲湯水潤下 但又懶得自己煲，呢度有好多款燉湯揀揀左最花手功既豬肺湯 (淨係洗都有排攪)，湯內除左豬肺 都仲唔少瘦肉一齊煲，都幾夠味 原來煲湯菜乾食落咁正千島醬脆炸蘿蔔糕 $34表層鋪滿木魚絲 加上千島醬微微酸酸，外層脆脆內層軟熟，食第一啖時 感覺好似食燒章魚丸咁，再食多兩啖 D蘿蔔味就湧出黎，味道同配搭夠新鮮春風得
門面藍色主調 內裡座位多是卡位 是新派小茶居的感覺 好適合1-6人嘆茶，座位之間闊落 坐得舒服 
世一燒賣拼盤 $98
一個燒賣拼盤就有12個口味:
🔸鮑魚燒賣
🔸懷舊燒賣皇
🔸鵪鶉蛋燒賣
🔸乾蒸牛肉燒賣
🔹泡椒燒賣
🔹麻辣牛肉燒賣
🔹花椒辣燒賣
🔸黑椒墨魚燒賣
🔸梅菜扣肉燒賣
🔸蕃茄海鮮燒賣
🔸爆汁墨魚燒賣
🔸芫荽馬蹄豬肉燒賣
佢地幾款辣路線 講真都辣得到位，老公鍾意食辣 所以試左少少就比老公食晒，自己就最愛鵪鶉蛋燒賣 鵪鶉蛋放燒賣底部包住 味道同口感都融合 同埋佢個淺紫色燒賣皮好靚😍，師傅幾有諗頭 12款仲要粒粒有造型，最欣賞地方係每款燒賣加入獨特味道同時 仍保持到燒賣應有的味道同感覺，唔會變成另一道點心👍🏻
南北杏菜膽燉豬肺 $39
鍾意飲湯水潤下 但又懶得自己煲，呢度有好多款燉湯揀
揀左最花手功既豬肺湯 (淨係洗都有排攪)，湯內除左豬肺 都仲唔少瘦肉一齊煲，都幾夠味 原來煲湯菜乾食落咁正
千島醬脆炸蘿蔔糕 $34
表層鋪滿木魚絲 加上千島醬微微酸酸，外層脆脆內層軟熟，食第一啖時 感覺好似食燒章魚丸咁，再食多兩啖 D蘿蔔味就湧出黎，味道同配搭夠新鮮
千島醬脆炸蘿蔔糕
$34
59 views
0 likes
0 comments
春風得意腸 $36
腸粉皮唔會太厚 做得幾滑，內裡包滿了蝦仁 平時好少食到咁足料 爽口彈牙的幾新鮮，而每啖都卷住少少脆脆，口感上食到每樣既層次 比例配合好
黑金流沙包 $35
一滅開就有流沙餡流出黎 香甜得黎帶有咸味 甜度岩岩好唔會膩，竹炭包包蒸完表面乾爽有彈性 唔會又濕又化
古早黑糖糕 $24
白糖糕食得多 黑糖糕就第一次食，口感比一般中式糕點Q彈，原本以為係日本黑糖味 食落係中式紅糖味，完全無白糖糕果種酸酸 又唔會太甜，是我杯茶 鐘意食呢種糕點甜品
豉汁蒸排骨 $28
排骨揀得幾好 唔會一大堆肥膏 都唔會又乾又柴，調味都做得唔錯 唔會太濃味 食到排骨原味的，不過豉汁蒸好似無加豆豉😂
*茶位 $6
*佢地營業時間: 0700-0130hrs，好岩我返夜日子收工去宵夜
*晚上7點15分左右就滿座，好彩早少少搵位
*如果日頭黎 我會試蒸飯
Post
