Video
4-min walk from Exit A2, Cheung Sha Wan MTR Station
continue reading
Telephone
23686039
Opening Hours
Today
07:00 - 01:30
Mon - Sun
07:00 - 01:30
Public Holiday
07:00 - 01:30
Public Holiday Eve
07:00 - 01:30
Above information is for reference only. Please check details with the restaurant.
小店舖乾淨企理 由長沙灣地鐵站行過去都好方便 燒賣種類好多 賣相好好 好彈牙 每樣都想試 於是叫了一個世一燒賣拼盤 一共有12粒 有10款 感覺全部是即做 有驚喜👍😃 不過小店收好早 晏晝1:30就拉閘 可能每樣都現場即做 師傅做夠要休息 😴
continue reading
真心為着見識 , 才專程去到長沙灣飲茶, 不過味道未算好突出, 試過就算 食物 : 十二拼燒賣 $138 ~ 有十二款不同口味的燒賣, 燒賣大大粒又足料, 不過各自的味道不是好突出, 麻辣味的只是在上面加上少許麻辣醬, 少失望, 蒸格有點舊, 要好好清潔 春風得意腸 $48 ~ 腸粉都幾滑, 炸兩仍然脆, 味道OK 香煎蘿蔔糕 $34 ~ 味道正常普通 經典糯米雞 $36 ~ 幾大隻, 但饀料好少, 可能蒸咗好耐, 好乾好硬, 食咗一半就放棄 茶位 $6/位 ~ 叫咗水仙, 唔係好濃 環境 : 當天店內坐滿客, 比較擠迫 服務 : 店員有禮貌 費用 : $268 (無服務費)
continue reading
每逢星期日， 我們一家人都會到不同地方飲茶， 今次就去到這一間一盅點心， 因為我們十分鍾意食牛柏葉和咖哩魷魚， 但不是每一間酒樓有這兩款點心， 所以我們就週圍尋找有這款兩款點心的酒樓。一入到去就有位，客人不算太多。叫了好幾個點心， 當中包括秘製牛柏葉、咖哩魷魚、糯米雞 、鮑魚燒賣等等...這個秘製牛柏葉不單美味濃鬱，還有微辣，十分美味；咖哩魷魚內魷魚十分大片，咖哩味濃厚；黑椒牛肚十分軟滑。另外，服務態度十分友善。總括而言，點心美味。值得再光顧！
continue reading
應該係全港最多燒賣口味嘅點心店‼️由延記出品 主打街坊親民價 嘆地道風味🙌🏻.📌世一燒賣拼盤 $138真係大癲 有成12款口味 打卡一流❤️🔥皮薄餡靚 各有特色 滿滿驚喜💯1️⃣懷舊燒賣-豬肉蝦仁餡 鮮香爽嫩🐷🦐2️⃣鮑魚燒賣-面頭放上原隻迷你鮑魚 煙韌入味 鹹香十足🦪3️⃣鵪鶉蛋燒賣-買少見少嘅懷舊口味 原粒鵪鶉蛋爽彈粉綿🥚4️⃣蕃茄燒賣-大推呢款 蕃茄酸甜清新 出奇地好夾🍅5️⃣爆汁墨魚燒賣-內餡墨魚好彈牙 咬開爆汁 啖啖鮮味🦑6️⃣梅菜扣肉燒賣-將港式小菜梅菜融入燒賣 好特別 值得一試🤎7️⃣芫荽馬蹄燒賣-芫荽清香濃郁 加埋爽脆馬蹄 更有口感🌿8️⃣乾蒸牛肉燒賣-將牛肉球結合 同時食到兩款點心🐮9️⃣麻辣牛肉燒賣-鍾意辣嘅唔好錯過 後勁帶微辣 好香口🌶️🔟黑椒墨魚燒賣-加入少許黑椒 辛香令墨魚鮮味提升🦑1️⃣1️⃣花椒辣燒賣-先係食到普通燒賣味 後勁帶微辣花椒香 更惹味🌶️1️⃣2️⃣泡椒燒賣-呢款較普通 泡椒辛辣味唔太出🫑.📌鳯爪排骨飯 $42份量勁多 兩個人都夠分🤩用砵仔蒸 有別於煲仔飯 相對黏糯濕潤🍚米飯吸盡精華 加埋豉油,豆豉 鹹香十足 就咁食都好正🤎排骨肉質唔霉 嫩滑甘香🍖鳳爪軟腍入味 濃香帶微辣🐔.📌黑金流沙包 $35飲茶最愛✨黑色外皮加上金箔 好吸睛 包身好鬆軟😻內餡一滅流心 濃郁香滑 鹹鹹甜甜 冇得輸🧡.如欲查看相關食物相片 可查閱本人已上傳之影片🎦
continue reading
openrice 見到介紹唔錯，諗住試下。點之，中哂伏。夜晚七點到，不用等位，坐低QR code落單。入到點餐，十二款燒賣，有八款無，咁仲叫咩燒賣專門店。諗住食十二粒燒賣拼盤，無，七點就賣哂，我係唔係要早餐嚟食。係諗唔到之際，見有燒賣飯餐就試，叫咗芫荽馬蹄燒賣 拼 章魚肉餅飯，菜心，糯米雞，春風得意腸，魚翅灌湯餃。食後感如下：糯米雞，啲飯無味，糯米黐住塊荷葉春風得意腸，無特別芫荽馬蹄燒賣，無芫荽味章魚肉餅飯，章魚同肉餅分咗手，唔識大家咁。灌湯餃，唔建議。阿姐真係打份工，問佢啲乜都唔知，六寶點心係咩，講唔出，因為無人叫，所以唔知係咩。整體：唔會再幫襯。
continue reading