Video
Read full review
2023-06-22
924 views
貝‧料理 (旺角)📍旺角彌敦道575號Ladder Dundas19樓完全被OpenRice 半價優惠吸引咗我地去book位！鐵板燒午市同晚市都做半價，真係非常非常難得！我地揀咗個中價位嘅極上鐵板燒＄1280/pp 🔅海膽蟹肉魚籽沙律杯前菜黎講都真係好豐富，估唔到沙律杯咁快就見到有海膽同魚籽嘅出現，而且蟹肉份量多，清新開胃！🔅磯煮原隻南非鮑魚師傅自家調配嘅醬汁甜甜地非常讚！磯煮鮑魚肉質彈牙，亦都炆得好入味！🔅酥皮焗日本鮮帶子一個好新穎嘅做法！師傅先將原隻帶子處理好，再用酥皮包裹住整個帶子嘅外殼，再係面頭加上蛋漿，然後拎去焗！上菜時果陣牛油香真係令到口水不斷分泌🤤🔅雪塩牛油燒四季貝料理蒜蓉蟶子熟成程度剛剛好！又大隻又嫩，加埋蒜蓉特別惹味！🔅廚師發板時令貝料理北寄貝上加添金山寺麵豉醬，平時日本料理多數用作沙律醬，今次係海鮮上做調味，甜甜地又帶有黄豆香，同貝類一齊食加添層次！黃蛤嘅肉質肥厚鮮嫩！食完三款海鮮後只係過咗一半，就已經飽飽了🤭🔅板燒法國鴨肝伴砵酒車厘子今晚食材調配，用咗青蘋果蓉🍏取代砵酒車厘子🍒！多士烤到脆卜卜，配搭咗青蘋果後可以完美中和鴨肝本身嘅油膩感，食晒成件都唔會濟！🔅鮮【貝
📍旺角彌敦道575號Ladder Dundas19樓
完全被OpenRice 半價優惠吸引咗我地去book位！
鐵板燒午市同晚市都做半價，真係非常非常難得！
我地揀咗個中價位嘅極上鐵板燒＄1280/pp
🔅海膽蟹肉魚籽沙律杯前菜黎講都真係好豐富，估唔到沙律杯咁快就見到有海膽同魚籽嘅出現，而且蟹肉份量多，清新開胃！
🔅磯煮原隻南非鮑魚師傅自家調配嘅醬汁甜甜地非常讚！
磯煮鮑魚肉質彈牙，亦都炆得好入味！
🔅酥皮焗日本鮮帶子一個好新穎嘅做法！
師傅先將原隻帶子處理好，再用酥皮包裹住整個帶子嘅外殼，再係面頭加上蛋漿，然後拎去焗！
上菜時果陣牛油香真係令到口水不斷分泌🤤
🔅雪塩牛油燒四季貝料理蒜蓉蟶子熟成程度剛剛好！
又大隻又嫩，加埋蒜蓉特別惹味！
🔅廚師發板時令貝料理北寄貝上加添金山寺麵豉醬，平時日本料理多數用作沙律醬，今次係海鮮上做調味，甜甜地又帶有黄豆香，同貝類一齊食加添層次！
黃蛤嘅肉質肥厚鮮嫩！食完三款海鮮後只係過咗一半，就已經飽飽了🤭
🔅板燒法國鴨肝伴砵酒車厘子
今晚食材調配，用咗青蘋果蓉🍏取代砵酒車厘子🍒！
多士烤到脆卜卜，配搭咗青蘋果後可以完美中和鴨肝本身嘅油膩感，食晒成件都唔會濟！
🔅鮮【貝】煮湯蜆肉麵豉湯
🔅板燒原隻活龍蝦🦞主角出場！成隻意蝦非常好肉又鮮甜！
如果有心機應該要拆埋個頭啲龍蝦膏黎食唔好浪費！
🔅板燒鹿兒島A5 宮崎和牛旁邊配有黑炭鹽做調味，牛和油脂豐盈入口即化！
🔅貝料理溫室時蔬有別於一般例牌鐵板燒炒野菜，今次係同和牛當伴碟一齊上，種類特別多元化，感覺更加有誠意！
🔅和牛櫻花蝦炒飯
平時炒飯好少可會見到櫻花蝦加和牛呢個組合！
非常惹味，去到呢合位真係飽到不得了！
🔅廚師精選甜品最後有個西班牙焦糖燉蛋！師傅用火槍先燒溶表面，內裡都仲係有結冰嘅狀態！幾特別！
Post
