すき焼 森 (荷李活道) (Closed)

壽喜燒屬於日式料理其中一樣具代表性既食物，位於中環荷里活道既呢一間專門食關西風味既壽喜燒——すき焼 森，極受歡迎，全因為食物質素好，而且性價比高，一位難求，預約需要提前三星期至一個月🥢 餐廳以簡約木系為主，每一枱都配有一位師傅負責席前烹調，以確保客人享受到最佳既食物品質～ 揀選關西風味既壽喜燒主要以燒為主、再調味，着重肉身本質，所以肉既味道會更加出色✨ 四款A4近江和牛；肉眼、西冷、兩款唔同部位既牛肩，全部都脂肪豐厚、油脂分布平均，而每款肉中間亦會有蔬菜、洋蔥等隔場，令人唔會覺得油膩感太重，而追加既牛舌口感爽彈有咬口，牛味一樣十足，最後既滑蛋牛肉飯，總結左全晚燒鍋既精華，令人非常滿足🥘 個人認為屬於香港數一數二既壽喜燒席前料理，絕對值得到訪～