Video
Read full review
2022-11-09
640 views
Sukiyaki Lunch Set $580 牛舌 +$100 壽喜燒選用近江和牛，分別係西冷同肩胛2個部位: 西冷油花平均，肉質較軟腍；肩胛則肉味較濃，纖維感較重。牛舌亦有2種口感，一款較薄身爽口，另一款較厚，比較似牛舌芯，較軟腍，但不失彈牙嘅口感，好好食😋配菜方面，有冬菇、大蔥、洋蔥、皇帝菜、豆腐、芋絲等。配菜全部都用壽喜燒汁汁煮，好入味，當中芋絲吸收咗壽喜燒汁嘅精華，再炒至乾身，好食！Main Course最後會有滑蛋牛肉飯，蛋味香濃，加上煎香嘅牛肉粒，配上煙韌嘅日本米，濕濕潤潤，想一啖接一啖😆前菜：煙燻茄子煙燻味太濃烈，食完以為自己食咗5枝煙😅蒸物：紫菜蒸蛋蒸蛋滑溜，但以紫菜作調味略嫌過於普通。漬物：青瓜及梅乾麵豉湯：赤麵豉湯味道同平時飲嘅麵豉湯唔同，飲落帶有少少藥材味，個味一言難盡⋯⋯甜品：榛子雪糕〰️〰️〰️〰️〰Sukiyaki Set嘅主菜：和牛、蔬菜、滑蛋飯都高質，但前菜、蒸物、漬物等都好一般⋯⋯不過最主要係食壽喜燒，所以其他嘢差啲，我都接受到嘅。師傅煮之前會話你知佢將會煮咩肉，同埋會跟返你食嘢嘅速度嚟煮，唔會未食完一碟又上另一碟咁，唔會chur你，會比你慢慢食，所以餐廳一
牛舌 +$100
壽喜燒選用近江和牛，分別係西冷同肩胛2個部位: 西冷油花平均，肉質較軟腍；肩胛則肉味較濃，纖維感較重。牛舌亦有2種口感，一款較薄身爽口，另一款較厚，比較似牛舌芯，較軟腍，但不失彈牙嘅口感，好好食😋
配菜方面，有冬菇、大蔥、洋蔥、皇帝菜、豆腐、芋絲等。配菜全部都用壽喜燒汁汁煮，好入味，當中芋絲吸收咗壽喜燒汁嘅精華，再炒至乾身，好食！
Main Course最後會有滑蛋牛肉飯，蛋味香濃，加上煎香嘅牛肉粒，配上煙韌嘅日本米，濕濕潤潤，想一啖接一啖😆
前菜：煙燻茄子
煙燻味太濃烈，食完以為自己食咗5枝煙😅
蒸物：紫菜蒸蛋
蒸蛋滑溜，但以紫菜作調味略嫌過於普通。
漬物：青瓜及梅乾
麵豉湯：赤麵豉湯
味道同平時飲嘅麵豉湯唔同，飲落帶有少少藥材味，個味一言難盡⋯⋯
甜品：榛子雪糕
〰️〰️〰️〰️〰
Sukiyaki Set嘅主菜：和牛、蔬菜、滑蛋飯都高質，但前菜、蒸物、漬物等都好一般⋯⋯不過最主要係食壽喜燒，所以其他嘢差啲，我都接受到嘅。
師傅煮之前會話你知佢將會煮咩肉，同埋會跟返你食嘢嘅速度嚟煮，唔會未食完一碟又上另一碟咁，唔會chur你，會比你慢慢食，所以餐廳一日接唔到好多booking，冇限你坐幾耐之餘，佢又得12個位😅 所以咪咁難book位囉~
店員嘅服務唔係差，不過就冇日本嗰種好真摯嘅感覺，同埋佢好似對於個set唔算好熟，因為我聽唔到師傅講牛肉嘅咩部位，我問返佢，佢都要入去問返師傅😅
〰️〰️〰️〰️〰️
食物: 4.5/5
消費: 5/5
環境: 4.5/5
服務: 4.5/5
Revisit: Yes
Post
