樓下冰室

Open Now

Now Closed

星期四唔想自己煮lunch食，太麻煩啦，於是去左屋企附近既樓下冰室自己一個人食午餐。樓下冰室經常有人排隊，好彩我早啲黎咋，一到12:00就開始不斷有客到。呢間最出名就係番茄濃湯同瑞士雞髀，一場黎到無理由唔食既。佢仲有好多唔同既食物，但我得一個人，食唔到甘多。最後我叫左特色番茄濃湯通粉配牛乳炒蛋、招牌瑞士雞髀、西多士同紅綠椰冰。特色番茄濃湯通粉配牛乳炒蛋、招牌瑞士雞髀特色番茄濃湯通粉配牛乳炒蛋通粉份量好多，番茄湯底好濃郁，食得出用上好多真番茄，炒蛋亦都好嫩滑。招牌瑞士雞髀瑞士汁好濃味，雞髀索晒啲味，啖啖肉，滿足。西多士糖漿自己落幾好喎，牛油好大舊，切開見到中間個層既花生醬好厚，而且係我鍾意既粒粒花生醬，超級飽肚。紅綠椰冰(加$15)我叫左少甜，以椰子冰作為基底，加左紅豆粒同綠豆粒，幾特別。