Video
Read full review
2021-02-28
1778 views
已經同朋友黎食過幾次，無諗過啲肉水準keep唔到都算。仲要俾錢受氣。下午兩點鐘整完啲野見有好多位唔洗等就入去食嘢。俾錢買完野之後就搵個位坐低，見啲肉未黎就去拎定飯同湯，仲有餐具。佢地餐廳嘅設計出菜位就係自助區既右手邊，座位就係左手邊，無論你坐喺邊度都一定要經過佢地個出菜位先可以拎到自助區既野，就係我拎嘢嘅時候有個職員出菜，咁我見到就停低係自助區嗰度等佢行，跟住個職員經過望左我一望就「接」左一聲。咁我無理拎埋餐具個啲返位啦。到啲野食黎左我就開始煮，切細完煮熟完2邊就落汁同落粉，慢慢咁食啦。我大約食左5分鐘左右，我繼續夾肉送飯既時候，有個冬菇頭嘅女店員無啦啦走過黎黑哂面咁罵我：「唔好將啲汁倒落個鐵板度好喎，會搞到個鐵板凍架囉，邊有人咁食架。」。跟住罵完就走左。咁係我食嘢既時候，餐廳坐住一對情女同一家人，我見到佢哋都有倒啲汁去鐵板度但無俾人罵。個家人直頭係佢罵我既時候倒汁。我就睇下係唔係我無注意到啲告示啦，亦都冇見到有任何告示話唔俾倒汁落鐵板上邊嘅牛肉。咁唔通就係因為我一個人黎食又唔出聲所以就要受氣？就算真係唔得都唔應該咁樣鬧人。咁我食完野又再見到個冬菇頭既女職員我就話：「請問你哋係唔係規定
已經同朋友黎食過幾次，無諗過啲肉水準keep唔到都算。仲要俾錢受氣。下午兩點鐘整完啲野見有好多位唔洗等就入去食嘢。
俾錢買完野之後就搵個位坐低，見啲肉未黎就去拎定飯同湯，仲有餐具。
佢地餐廳嘅設計出菜位就係自助區既右手邊，座位就係左手邊，無論你坐喺邊度都一定要經過佢地個出菜位先可以拎到自助區既野，就係我拎嘢嘅時候有個職員出菜，咁我見到就停低係自助區嗰度等佢行，跟住個職員經過望左我一望就「接」左一聲。咁我無理拎埋餐具個啲返位啦。
到啲野食黎左我就開始煮，切細完煮熟完2邊就落汁同落粉，慢慢咁食啦。
我大約食左5分鐘左右，我繼續夾肉送飯既時候，有個冬菇頭嘅女店員無啦啦走過黎黑哂面咁罵我：「唔好將啲汁倒落個鐵板度好喎，會搞到個鐵板凍架囉，邊有人咁食架。」。跟住罵完就走左。
咁係我食嘢既時候，餐廳坐住一對情女同一家人，我見到佢哋都有倒啲汁去鐵板度但無俾人罵。個家人直頭係佢罵我既時候倒汁。我就睇下係唔係我無注意到啲告示啦，亦都冇見到有任何告示話唔俾倒汁落鐵板上邊嘅牛肉。咁唔通就係因為我一個人黎食又唔出聲所以就要受氣？就算真係唔得都唔應該咁樣鬧人。
咁我食完野又再見到個冬菇頭既女職員我就話：「請問你哋係唔係規定唔俾倒汁落鐵板上面嘅牛肉？如果係既話應該整返啲告示而唔係走過黎罵我，佢地個個都有倒汁點解你唔罵佢哋？」
佢：「我係提醒你唔係罵你，我覺得你未煮完，我見到鐵板有汁所以提醒你」。
我：「你岩岩唔係咁有禮貌㗎喎，你個語氣係鬧緊我喎，我已經喺度食緊，你咁啱見到有汁就可以鬧我㗎？我重複左一次佢講既野。」
佢就話「我岩岩都無咁大聲。《我覺得》你未煮完」「《我見到你鐵板有汁》所以提醒你會凍！」
之後另一個店員出黎話佢新，客人點煮都可以所以唔會貼告示。
我認為一個人黎食就唔代表要受氣，就算係新人都唔代表可以無禮貌或者任由個得一個新人喺場度隨便鬧人。除非想受氣，我唔會建議幫襯。
嘢食唔掂，環境唔掂，服務都唔掂，真係搵鬼再幫襯佢。
Post
