大公雞 (Closed)

十年難得一去既地方-葵興，如果唔係我個朋友拖住個細路俾番D野我，我都未必會去。放工交收完，想食D野先再坐長途車返屋企，朋友仔介紹大公雞。佢話抵食又唔錯，於是我由葵興地鐵站經過條行人天橋去到一個叫LCC MALL，入到去上電梯一層就見到了。入到去都唔算多人，唔洗等就有得坐。環境都幾舒適，黑黑地。見到套餐既餐牌價錢非常抵，$108有口水雞、炸餃子、油菜、魯肉飯，可惜一個人食唔曬! 最後叫左火車排骨肉燥飯同熱金桔檸檬。火車排骨肉燥飯﹕職員問可以另上一碗魯肉，我當然可以啦! 排骨加魯肉，估唔到非常MATCH! 排骨炸粉皮不是太厚，炸得鬆化，而且肉質很嫩。魯肉飯既飯量對我黎講都幾足夠，配上魯肉和魯肉汁，醬汁不是太稀和"杰"，剛剛好，而魯肉咬下都煙韌。最後奉上熱金桔檸檬，不過不失。