皇后冰室 (Closed)

星期六下午，在附近的salon剪完頭髮，已經三點幾，好肚餓，見到呢間餐廳好似靚靚哋，又有下午茶，所以試試。入面係懷舊主題佈置，講真其實香港已經有好多同類型的懷舊冰室，所以唔覺得好特別。下午茶menu都幾多選擇，有焗薯蓉、多士、意粉等，睇落都有十幾二十款，一定唔會揀唔到。由於未食早餐同午餐，所以我揀左個比較飽肚嘅芝士吞拿魚焗意粉，+$2轉即磨咖啡。芝士吞拿魚焗意粉$35 - 賣相唔錯，面層有火箭菜和車厘茄裝飾，芝士焗到剛好有少少燶，入面有吞拿魚、磨菇、洋蔥和意粉，以35蚊（不用加一）黎講算唔錯。即磨咖啡好香濃，+$2係值得的。