XOXO Café Lab (Closed)

少黎將軍澳，依頭好似無乜好野食咁。揾揾下。見到賣相都唔錯就入去試。食左個午餐。青醬蜆肉意粉。本來都無乜特別期望。依家地區。普普通通食個晏就算。加左個茶湯同蒜多士。個羅宋湯都可以。偏濃。有啲打碎左既番茄溶。飲落有啲口感。個多士就凍左啲。好彩都夠脆。個意粉都唔錯喎。煮得都有心。意粉軟硬適中，味道都調得幾好。蜆就唔知點解好似縮左水咁。黐實哂個殻。好難拎得開黎食。味道就可以，不過太難拎黎食。$70蚊。都算幾好。好過啲淋汁意粉。起碼都算新鮮整出黎。