Espresso Alchemy (Closed)

白色情人節的晚上，我單拖去了尖沙咀WK廣場 B/F 的 Espresso Alchemy 飲咖啡，就係貪呢度旺中帶靜，可以靜靜地 hea 番一晚，唔會撞到熟人同埋見到我一個人在飲悶咖啡。Cafe 位置都算方便，對面記得係賣運動服裝的，座位都算多，Shopping 完之後來呢度飲番杯咖啡就最嘆啦。店內佈罝以黑白為主調，感覺頗有文青的氣息，而且放滿許多烹調咖啡的用品，以及罕有的咖啡豆，感覺相當專業。既然打算在這坐一個晚上，那麼便叫多點食物，讓自己吃得豐盛一些~在櫃檯點完菜後，收銀員便給我一個號碼牌，之後侍應便自動把食物送上，相當方便。首先叫了一碟煙三文魚沙律。沙律菜份量都幾豐富，小蕃茄的味道酸甜得來亦相當清新，淋了醋汁後，味道是另一種酸甜，相當開胃。而上面的煙三文魚厚切得來亦有些香草點綴著，味道都頗為濃郁。香煎虎蝦配露荀蕃茄汁意粉，雖然份量偏少，但對於較細食的女生，而且之後亦打算叫甜品的話，份量已經很足夠。香煎過的虎蝦稍為乾身，但都幾大隻，頗為滿足。意粉軟硬度及濕度亦剛剛好，雖然蕃茄汁偏酸，但露荀的清香亦巧妙地減低酸度，變得比較容易入口。甜品有香蕉蛋糕配牛油。香蕉蛋糕質感鬆軟，本來是微甜的