Video
Read full review
2016-05-11
140 views
喺呢個年代，智能手機咁發達，一個人食早餐都係一種享受，享受一個人的寧靜與輕鬆，但不幸，幾張檯之隔坐住兩個阿姐喺度閒話家常，唔係想話佢地用普通話交談有咩問題，而係其中一個阿姐嘅聲量傳遍整間餐廳。我明白，呢度唔係圖書館，人地冇必要細聲講嘢，所以我都只係呻下，別無他意。好啦，入正題，小妹今朝空肚送完小朋友返左學校後，突然好想食炒蛋＋薯餅。行左幾間餐廳後又返翻黎麥記，叫左份珍寶套餐 飲熱奶茶（$31）先講講杯熱奶茶：茶味夠，但唔夠滑，如果多奶會好啲。薯餅：麥記真係有一套自家炸薯餅嘅法，落爐時撳倒數制，夠鐘會有響鬧提醒人拎起鯨鯨油，根住就可以入餅袋供客人享用，真係好欣賞佢地嘅薯餅炸出黎外脆內軟又鬆化，少會失手。英式鬆餅：經過烤焗後，邊邊少少Long，入面軟熟，加埋果醬同豬柳一齊食，雖然係又咸又甜，卻是出奇地夾；但現時麥記只提供提子味果醬，記得多年前係有士多啤梨味同提子味兩種口味嘅果醬供客選擇，而士多啤梨味更加係受歡迎啲，但後黎唔知係唔係供應商不再提供，士多啤梨果醬就無聲地消失了。炒蛋：今次嘅份量比較細左啲，多蛋突出，但熟左啲，以致不太滑。熱香餅：真心唔多欣賞麥記先將所需要嘅食材事先整熟後放入保溫
好啦，入正題，小妹今朝空肚送完小朋友返左學校後，突然好想食炒蛋＋薯餅。行左幾間餐廳後又返翻黎麥記，叫左份珍寶套餐 飲熱奶茶（$31）先講講杯熱奶茶：茶味夠，但唔夠滑，如果多奶會好啲。
薯餅：麥記真係有一套自家炸薯餅嘅法，落爐時撳倒數制，夠鐘會有響鬧提醒人拎起鯨鯨油，根住就可以入餅袋供客人享用，真係好欣賞佢地嘅薯餅炸出黎外脆內軟又鬆化，少會失手。
英式鬆餅：經過烤焗後，邊邊少少Long，入面軟熟，加埋果醬同豬柳一齊食，雖然係又咸又甜，卻是出奇地夾；但現時麥記只提供提子味果醬，記得多年前係有士多啤梨味同提子味兩種口味嘅果醬供客選擇，而士多啤梨味更加係受歡迎啲，但後黎唔知係唔係供應商不再提供，士多啤梨果醬就無聲地消失了。
炒蛋：今次嘅份量比較細左啲，多蛋突出，但熟左啲，以致不太滑。
熱香餅：真心唔多欣賞麥記先將所需要嘅食材事先整熟後放入保溫櫃，到有客人點餐時先將所需要嘅材料整成產品奉於人客，但其實啲材料同新鮮二字已大欖都拉唔埋了；好次今次嘅熱香餅咁，本身已唔夠熱，個邊邊亦都擺到硬化左，牛油落落去溶唔到，扣分！！
最後：小妹其實好欣賞麥記嘅早餐時間(即上午十一點前) 奶茶同咖啡可以無限添飲，當然對我呢啲普通人奶茶咖啡呢一類飲品都係一杯起兩杯止，但對喜愛咖啡奶茶嘅人黎講，呢個優惠都係其中一個吸引人嘅地方，亦都希望麥記嘅員工幫人客添飲時唔好一幅厭惡樣，呢個係你公司嘅政策，請你地專重客人時亦專重你地間公司
Post
