太平洋咖啡

Open Now

Now Closed

因為男朋友仔未放工既關係，今日放工之後，我一個人黎左PCC飲杯野食個優閒晚餐。3心2意既我睇左好耐都唔知食咩好，呢度既waiter好好人，見我諗得咁辛苦就黎問下我想要啲咩類型既野。有佢既幫助下，我叫左Tuna with Melted Cheese Panini同埋我一向飲開既Cafe Mocha。因為冇乜人既關係，我搵到個梳化位坐低，慢慢品嚐我既優閒晚餐，好懷念好懷念以前係外國既生活，一份3文治，1杯咖啡加1個好舒服既環境。試下個3文治，我叫佢地幫忙整熱左，芝士溶出黎，睇落已經覺得好味！即刻試下，溶左既芝士黏住份3文治，裡面包含住吞拿魚肉同洋蔥絲，好香，好rich，但比爽脆清新既洋蔥中和返個種太"漏"既感覺。我食左1半就已經飽左，要將淨低既打包比男朋友執手尾。等男朋友黎接我走既呢段時間，嘆埋杯咖啡，清清靜靜咁坐下。投身社會之後一直忙碌為著生活，難得有個咁好既環境同時間，好好享受下呢種優閒。