魚心日本料理 (Closed)

今日一支公食飯，一於對自己好D，去左魚心日本料理食野。叫左炸芝士薯波，吉列豬扒滑蛋丼飯，帶子壽司。不得不說呢度嘅芝士薯波係我食過當中最正既，因為佢地塊皮炸到好香脆，薯蓉好細滑，芝士夠香濃。帶子壽司重正，鮮甜嫩滑有咬口。但係個吉列豬扒滑蛋丼飯先係全餐最正，吉列豬扒個脆漿做得好好，唔會肉還肉皮還皮，又吾會一入口就成口粉漿，炸豬排嘅時間控制得啱啱好，入口D肉汁爆出黎，唔會靱到咬唔開。個滑蛋汁都好正，洋蔥味道夠甜，蛋口感又夠滑。