1+2 餐廳 (Closed)

今日一支公無人約，自己食。去番平時幫襯開的1+2餐龐。平時多數食lunch，和風牛肉飯係我最愛，五十幾蚊包飲品，都幾抵食，又好食。 聽店員講過，個廚以前係喺五星級酒店做的，怪唔知得門口都有周中師父和元朗食神滔哥的合照做生招牌。 今晚要對自己好一點，所以叫咗份牛柳做晚餐。首先當然係要試下個忌廉湯，都幾濃幾香滑，配埋件蒜蓉包，真係無得輸。 牛柳啱啱好七成熟，牛味濃郁，嫩得來又有口感。黑椒汁是秘製的，香而不辣，啱晒我口味。 凍奶茶是後上的，慢慢坐，慢慢飲，一個人靜靜地吃晚餐都很enjoy。