豊勝手丼 (Closed)

孤獨的美食家門， 食得茶餐廳多， 有時就會想食好小小。 一個人去食西餐肯定比人當怪物， 食壽司就最好不過， 不過好多時會食大左， 所以去食丼飯就唔使怕，一個人份量， 無論份量和價錢都定左，絕不會超BUDGET。 今晚來到銅鑼灣人氣十足的  但疫情下晚上七點來到都無乜客人， 我作為香港人都要身體力行出來支持小商戶。 餐牌上十多廿款丼飯選擇， 凍食、熱食都有， 由幾十元至二百多元都任君選擇。話明身體力行, 梗係唔好失禮。 有時不想吃太多剌身， 怕自己腸胃受不了， 經火炙過的刺身就岩晒我 。吸睛度十足的丼飯只須幾分鐘已送到面前， 剌身排得靚靚， 我唔客氣啦!碎蔥吞拿魚腩+黑松露火炙帶子$238經火炙過的帶子，鮮味變得低調一點，多了一點焦香，點上黑松露醬作調味， 令層次豐富，口感細嫩。 碎蔥吞拿魚腩，魚味濃郁， 小許油脂令口感更棉密，加點醬油拌飯吃絕對是不二之選。 飯面鋪上的咸味海帶同樣是佐飯之友。 這裡的除了丼飯也有壽司、清酒等提供，有機會一定再來試試其他美食。