巴黎冰室 (Closed)

網上見到巴黎冰室既芝士撈薯仔麵，仲有佢既西多士同金磚，就好想黎食。經歷完黃雨、紅雨、黑雨、落雨既早上中午12:30 我來到這裡 店內 人唔多我坐左一邊望住好多黑白淡奶店小二二話不說先送上一小碗羅宋湯 料足 好味 由於我都好有目標，所以都冇咩點望食牌就叫左特餐 不過望多幾望，發覺都幾多其他野想試例如佢既營養餐有鮮奶粟米片、飲品有兒童鴛鴦、滾水鮮蛋仲有下午茶先有既西多士..都等左10多分鐘先上一杯咖啡飲一啖 唔苦澀、夠滑、又唔會冇左咖啡香當然 學其他樓主講 又冇得同其他咖啡店比但 至少係同一般茶餐廳唔同 等左大概20分鐘期待已久的粟米芝士撈薯仔麵終於出場!仲有煙肉碎、溫泉蛋同金磚呀!用上薯仔麵，麵質自然較彈牙!芝士汁芝士味夠，但佢唔會太「漏」，所以食完唔會好滯，好正呀 再加上溫泉蛋蛋汁撈埋，仲有煙肉調味好正好正!反而個「金磚」個名太正，上到黎見到薄到似多士味道OK, 不過期望太大姐 ._.我慢慢等，侍應慢慢上，我慢慢食，出面慢慢落雨巴黎冰室食佢既一份懷舊食佢既慢活食佢既恬靜