Video
Read full review
2018-03-11
131 views
驚覺之前唔知擺左幾耐係公司春茗抽到sogo既現金券到月底到期，前車可鑑免得到期化為烏有，所以特地過海買野用左佢。之前聽過朋友話附近呢間樓上鋪野食幾好味同價錢合理，於是買完野就上泥一試。tea time時段到黎，有卡位坐，點左個牛肉湯河同小食拼盤(諗住每款打包件番屋企俾家姐試)。等左一陣，好快有野食。牛肉湯河($68)料好爆，唔係講少既多牛肉，河粉同配菜都份量好多，湯味很濃，絕對係性價比高，量多到非常飽肚。牛肉唔係普通果種肥牛，薄切身但多肥膏果種，有圖有真相，真係一塊牛肉，牛肉紋理亦清晰可見，肉味好香而有嚼勁。湯頭好濃郁，好味道到邊食邊飲，清埋個湯底。意想不到既大份量拼盤，新鮮炸上，金黃程度剛剛好，好熱辣香口，每樣各食左一件，打包左4件回府。重點，食落唔油膩，碟上亦無咩油鯨係碟底到，廚師炸完應該有吸油？炸魚餅好彈牙，點醬食一流。牛油雞翼好味道到令人食指大動，外層吸晒牛油香，味美可口。雞翼好味到即場食晒，無打包貢獻俾家姐。青檸梳打，酸酸甜甜，好清爽。店內裝修令人好閒適舒服。個天花裝修好用心，有啲假草點綴，提升左悠閒感。卡位隔離個窗好別緻價錢公道，同一般越南食店價錢相去不遠，但環境舒適店卻不
之前聽過朋友話附近呢間樓上鋪野食幾好味同價錢合理，於是買完野就上泥一試。
tea time時段到黎，有卡位坐，點左個牛肉湯河同小食拼盤(諗住每款打包件番屋企俾家姐試)。
等左一陣，好快有野食。
熟牛肉湯河
3 views
0 likes
0 comments
牛肉湯河($68)料好爆，唔係講少既多牛肉，河粉同配菜都份量好多，湯味很濃，絕對係性價比高，量多到非常飽肚。
牛肉唔係普通果種肥牛，薄切身但多肥膏果種，有圖有真相，真係一塊牛肉，牛肉紋理亦清晰可見，肉味好香而有嚼勁。
湯頭好濃郁，好味道到邊食邊飲，清埋個湯底。
3 views
0 likes
0 comments
炸魚餅好彈牙，點醬食一流。
牛油雞翼好味道到令人食指大動，外層吸晒牛油香，味美可口。雞翼好味到即場食晒，無打包貢獻俾家姐。
青檸梳打，酸酸甜甜，好清爽。
店內裝修令人好閒適舒服。
個天花裝修好用心，有啲假草點綴，提升左悠閒感。
10 views
0 likes
0 comments
卡位隔離個窗好別緻
價錢公道，同一般越南食店價錢相去不遠，但環境舒適店卻不同言喻，唔擠迫，空間十足，食店環境加分。
見到呢個餐幾抵，下次晚餐帶老姐黎試。食物質素很好同食店環境舒適，係女孩子喜歡既格調，會再番黎試下個晚餐，同再戰牛油雞翼。
Post
