漫花燈火OMG (Closed)

要打造一個人既Me Time，平時又要睇小朋友，想約朋友果陣又唔得閒，😫係等放學途中就要攝下Me Time比自己，🥺今天就黎到一間好華麗又靚既餐廳，😍係食西式菜，呢度好靚，😍又憶起我既少女情懷，一個人靜靜地係度食下野，🥰坐下咁先係享受，呢份「油封法國鴨腿伴自家製芝士薯蓉及蜜糖紅菜頭」就係我今日食既，佢呢一碟真係好大碟，鴨腿好大塊，肉質夠細嫩好有肉香，欣賞蜜糖紅菜頭同埋芝士薯蓉，😗味黎講好夠濃，份量也都好大舊，😋呢幾樣材料完全地夾到口味，仲有個鴨皮好香口添，呢份「自家製酥皮黑魚籽牛油果煙三文魚水牛芝士波波他他」外表好靚，一睇個名就知放左好多材料，所有既料放埋一齊食，😍真係好滋味，而咁岩都係我會咁食既，佢既酥皮非一般咁脆，煙三文魚主要都係鹹味，🥰再有牛油果係可以中和返佢個鹹味，又可提升味道質素，果然好食😍