Video
Read full review
2023-06-12
94 views
返咗半日工覺得好攰，於是放咗半日假去旺角睇場戲抖抖氣，五點零鐘睇完戲又唔想返屋企，係OpenRice搵咗間附近嘅餐廳食嘢，一條友其實好爽，諗到乜就做乜。餐廳唔大，但環境好別致，裝修連天花板都有考慮到，喜歡餐廳嘅佈置，好有心思。偷聽到隔離枱嘅人各自教有嚟過呢度食嘢，看似大家都一食愛上，包括我都係，下面會講返我食咗啲乜同點解愛上。我食完離開嘅時候係七點左右，餐廳滿座變得更有氣氛。揀咗個一眼關七嘅窗邊位，可以由上而下睇到旺角嘅景觀，原來旺角不知不覺間變咗有點歲月嘅痕跡啦。Set manual好抵食，依家先留意到餐牌無寫要加一服務費，埋單果陣無留意有無加一添，老實講兩位職員都好好禮貌同招呼周到，有加一服務費都係抵俾嘅。是日餐湯-海鮮忌廉湯喜歡海鮮忌廉湯有淡淡嘅鮮甜味道，唔「傑」身感覺更清爽，蒜蓉包焗得香脆，同海鮮忌廉湯好夾。火魔蜆大大隻蜆份量十足，上枱後職員會加啲酒點火，效果震撼，賣相都好吸引，火灸後香味更突出。蜆肉肥美，香料豐富，食嘅時候有濃濃嘅蒜頭同香草味，有輕微嘅辣味同酒味令到蜆肉更鮮甜。西班牙杜洛克豬肉眼豬肉眼可選擇全熟或者8-9成熟煮法，職員介紹8-9成熟會更嫩滑所以我揀咗8-9成熟
餐廳唔大，但環境好別致，裝修連天花板都有考慮到，喜歡餐廳嘅佈置，好有心思。
偷聽到隔離枱嘅人各自教有嚟過呢度食嘢，看似大家都一食愛上，包括我都係，下面會講返我食咗啲乜同點解愛上。我食完離開嘅時候係七點左右，餐廳滿座變得更有氣氛。
揀咗個一眼關七嘅窗邊位，可以由上而下睇到旺角嘅景觀，原來旺角不知不覺間變咗有點歲月嘅痕跡啦。
Set manual好抵食，依家先留意到餐牌無寫要加一服務費，埋單果陣無留意有無加一添，老實講兩位職員都好好禮貌同招呼周到，有加一服務費都係抵俾嘅。
是日餐湯-海鮮忌廉湯
喜歡海鮮忌廉湯有淡淡嘅鮮甜味道，唔「傑」身感覺更清爽，蒜蓉包焗得香脆，同海鮮忌廉湯好夾。
火魔蜆
大大隻蜆份量十足，上枱後職員會加啲酒點火，效果震撼，賣相都好吸引，火灸後香味更突出。
蜆肉肥美，香料豐富，食嘅時候有濃濃嘅蒜頭同香草味，有輕微嘅辣味同酒味令到蜆肉更鮮甜。
西班牙杜洛克豬肉眼
豬肉眼可選擇全熟或者8-9成熟煮法，職員介紹8-9成熟會更嫩滑所以我揀咗8-9成熟。擺盤好靚，有唔同嘅顏色點綴大大塊嘅豬肉眼，令人食指大動。
肉眼表面煮得香脆，橫切面可以睇到塊肉眼扒嘅肥美，內面肉質juicy嫩滑。入口嘅味道比期望更好，表面香脆入口即溶味道濃郁，喜歡重油脂味嘅朋友一定中意。另外，南瓜醬同蕃茄仔可起到中和肥膩嘅作用，有驚喜
肉眼扒底下仲有薯蓉同蘑菇醬，薯蓉食得出一粒粒嘅薯仔，明顯係用薯仔煮成而唔係開粉溝出嚟嘅，薯蓉加咗少少粟米增加咗甜味同層次，同蘑菇醬一齊食更加好食，蘑菇醬有好濃嘅蘑菇味，就咁食都好正，食得出廚師嘅心思。
餐飲可以揀Corona，只係加28蚊咋
Post
