泰巷 (Closed)

周末放假最好四圍食，差不多兩點去到荃新天地，一心以為要等到2點半或3點先有tea食，點知呢度好多地方兩點就開始下午茶，吾洗餓住肚仔等食tea,真好！好好彩一個人吾洗等位，餐廳都好寬敞，有好多張枱同座位。裝修有點似地道韓式bbq店，幾有時代感。下午茶餐選擇多元化，最平30零蚊起，呢個時段不用加一。除左有泰式粉麵，其實都有好多選擇，有三文治，多士，薯條，pancake等，都幾fusion。我就點左個手撕雞湯河，冬蔭公湯底(另有清湯底)加熱奶茶。奶茶先上枱。茶夠甘香，茶跟奶比例恰當，拍得住茶餐廳(8/10)跟住到手撕雞湯河，相機先食，賣相有點扣分，手撕雞同配菜一般都放河粉上，呢度就散佈全碗。飲啖湯底，真係冬蔭公湯既味道，吾係即食粉麵既味粉咁hea,完全飲到有酸，辣，蕃茄，同應該係香茅味，即刻加返d分。如果可以辣多一點更好(吾係吾夠辣， 係本小姐本身都食得辣)。雞真係撕開一條條，而吾係切絲扮手撕！河粉無痴埋晒一齊，吸左d湯食落好滋味(8/10)。呢度環境吾錯，食物質素都好好，可以作為約人食tea傾下計既選擇。