竹 (Closed)

去唔到日本的日子，留港繼續搵Omakase，透過美食扮自己喺日本。利園嘅「竹」就供應「二人同行一人免費」優惠，一於約個飯腳齊齊食。餐牌由前菜開始，刺身、季節料理、壽司、味噌湯及季節雪葩。前菜 日本蠔伴土佐醋啫喱：日本蠔肉爽身，海水味較淡，加上醋啫喱同吃，令生蠔的鮮甜更突出。前菜 巴馬火腿田園沙律：鹹香的火腿配搭新鮮的沙津，好開胃。刺身 中吞拿魚腩、白身魚、帆立貝：掛住食唔記得影相！間白魚爽帶鮮味；帶子濃味； 中toro油分重，入口即溶。季節料理 蟹肉南瓜枝豆：南瓜味濃厚，仲有增加口感的蟹肉。深海池魚：好新鮮，魚肉較爽口，仲有少少辣椒增加層次。赤身吞拿魚：食落口感好厚身，加咗少少芝麻及蒜香，味道上更豐富。牡丹蝦：舖在少少蝦籽喺面，蝦肉好鮮甜又黏，好滿足呀！灸燒銀鱈魚：銀鱈魚本身充滿油分，燒一燒再已經迫出油分，上面有少少熟食辣椒，更香口更惹味，唔會只係得油分一種口感。海膽：選用時令海膽，金黃色一瓣一瓣視覺先得到滿足，一口咬下不得了，濃鮮香全部有齊！鮑魚伴肝醬：鮑魚彈牙，肝醬食落似沙律醬質地，成個組合好微妙。太卷：有唔同嘅食材，口感好豐富。玉子燒：綿密到好似食緊雞蛋蛋糕，好香好好味。味噌湯：