八方雲集鍋貼水餃專門店

Open Now

Now Closed

星期日嘅午餐時段叫左五十蚊一個台式麻醬麵同埋五隻招牌鍋貼配一杯豆漿，另外加十五蚊要多五隻招牌鍋貼同屋企人分享。等候外賣嘅時間唔使好耐。呢間店可以自己帶盒去裝同埋走餐具，不過自己無帶可重用嘅杯所以店員俾左一隻紙杯來裝豆漿。嗰杯豆漿可以走飲管，支持環保。台式麻醬麵入面有啲芽菜同埋蔥花，麻醬食落比較滯，所以我晌屋企搵啲醋來撈埋一齊食，感覺良好啲。招牌鍋貼嘅顏色﹑香味﹑口感同埋溫度都可以接受，但係店員無提供用來點鍋貼嘅醋或者其他醬汁，結果我都係要用返屋企嘅醋。