Shine (Closed)

今日叫了一份牛扒午餐，味道及肉質其實好一般，這間餐廳的好處是容易有位及少人，及比較清靜。但服務方面就真的非常差。首先客人已經很少，但侍應在回應客人服務要求方面都頗慢。最不滿意就是在處理埋單時的情況。首先我都要承應自己疏忽，帶不夠充足現金在身，埋單時佢哋不接受我用信用卡，因為唔夠200蚊唔可以簽卡，我話用八達通，但個侍應用部八達通機又攪唔倒，於是叫我用現金，可惜我身上現金唔夠，仲爭$12，我話比住$140先，等我落去提款機提款然後返上嚟比。點知佢堅持要我留低身分證比佢，我當然唔肯，然後再叫我點都要留低身上一啲嘢，或者打電話叫人嚟幫我。我覺得佢哋已經當咗個客人一定會走數唔返轉頭，用這種態度及手法，令我作為客人真的很反感。最後我都堅持唔會留低任何嘅野，總之我一定會返轉頭比錢，於是我就到樓下附近提款，然後上返去比埋$12尾數。對於這種對客人的處理手法，我以後都唔會再去幫襯，佢可能為咗避免有$12走數的風險，但其實將會損失客人的未來再消費的機會。