七月餐室 (Closed)

之前送友人返夜學時已發現這間新店，誓要搵日來吃飯，皆因我很喜歡這個店名。「七月」一個好名，是我的生日月份，所以特別有親切感。門面仲用上我最喜歡的綠色，更吸引我。內裏環境光猛，整齊企理，設有三排四人枱，兩旁係卡座，地方都幾大，坐得舒服。晚巿選擇不少，有餐室新品、小炒套餐、馬來咖喱系列、焗飯/麵、炒飯/粉麵和飲品。每客小炒奉送白飯、老火湯和飲品半價。是日老火湯($0/跟餐)是粟米紅青蘿蔔豬骨湯，湯面沒有泛油光，湯料有紅蘿蔔、青蘿蔔、粟米、南北杏等，少油少鹽，味道合宜，煲得夠火喉，很有家的味道。豆腐青衣魚柳煲 （$75）熱辣辣上枱，正！豆腐和魚柳都唔少，全部都大大件，仲配了不少草菇，好足料。魚柳外微脆，內肉一梳梳；豆腐外皮柔韌，內裏滑溜，兩者都好入味！蝦醬蒸豬頸肉($72)註明需時15分鐘，所以熱度十足！豬頸肉嫩帶微爽，啖啖肉，唔算好肥，配上鹹鮮的蝦醬，鹹香惹味，用來送飯一流！另加一碟蒜蓉炒時菜（$58），選了炒芥蘭，條條翠綠粗壯，咬落去好爽嫩，完全無渣，炒得好有鑊氣，帶些蒜香，味道剛好。奶茶紅豆冰（$13/跟餐半價）和咖啡紅豆冰 （$13/跟餐半價）都相當吸引，估唔到咁大杯添，而且紅豆差唔