洪祖師 (Closed)

Hello 大家好👋🏻！今日我嚟到位於上水嘅「洪祖師」，一間台灣餐廳。 同事推介一齊去試下呢間台灣菜， 算我同事今日做咗件好事，洪祖師果然唔錯。今次同大家分享一下佢哋嘅超值套餐，主食+小食+台式飲品夾埋只係$70幾蚊。 份量啱啱好，唔會太細碗。 當中主食有16款， 小食有22款😋， 飲品唔洗講啦，任何台式飲品應有盡有。美食攻略：雖然滷肉飯係好代表台灣菜，但係我今日想試下佢地個紅燒牛肉麵， 咁就梗有原因啦！ 佢地牛肉麵可以改做配飯，最啱我呢啲湯飯控啦。 牛肉湯香濃，唔會太稀， 不過碗湯比較細碗，塗飯食真係一流，我敢大膽講呢個牛肉湯配飯好食過麵（個人觀點😅🪖🪖🪖）。 佢地嘅牛肉唔係切到薄片果種，而係肉角，入口即化，鬆軟美味。 小食方面我揀咗鹽酥雞，而同事就揀花枝丸。 鹽酥雞絕對無令人失望，香脆可口， 調味唔會太重，味道剛剛好。 花枝丸佢地炸完之後再配上秘制醬汁，令粒花枝丸添上味道嘅層次😋。美食指數：5🌝最高味道：🌝🌝🌝🌜🌚環境：🌝🌝🌜🌚🌚服務：🌝🌝🌝🌚🌚賣相：🌝🌝🌜🌚🌚