Video
Read full review
2018-09-29
288 views
講到食辣, 香港地真係無邊幾間好。有間係紅磡, 又有間係灣仔。咁岩撞著放工係旺角, 就俾次機會佢。開正係朗豪坊斜對面, 算幾就腳。咁岩遇著星期五, 唔止坐滿哂人, 仲排哂隊。最後足足等咗半個鐘先入座。算！為咗食, 我忍！紅油豬耳 $58前菜, 凍既！(緊係凍啦, 涼菜嘛) 豬耳好爽脆入味, 辣味醬汁帶微酸, 零舍開胃。鐵板魷魚鬚 $90接下來係熱食, 比較似大排檔風味小炒。魷魚煙韌彈牙, 微辣, 有少少沙茶醬味再加上配菜同食。可以一試。口水雞(半隻) $98其實我麻麻地食口水雞(因為有碎骨), 但老婆想食我都會奉陪。味道上同一般坊間食得到既大致相同, 麻辣醬汁配爽滑雞件, 雞肉肉質嫩滑同埋好掛汁。唯一美中不足都係有骨。火爆腰花 $82腰花係一樣個人十分喜歡既食材, 加入荀、木耳、辣椒。非常惹味之餘, 令我又再感覺到大排檔小炒風味。(火候真係好重要) 飄香辣子雞 $96終於返返黎食川菜啦, 辣子雞！滿滿既辣椒加上雞粒, 人品地雞粒十分之多(試過食辣子雞, 入面唔夠10粒雞), 雞肉香脆, 入口辣味豐富之餘仲有少少肉汁。加埋罐可樂真係無得輸。可樂 $15
咁岩遇著星期五, 唔止坐滿哂人, 仲排哂隊。最後足足等咗半個鐘先入座。算！為咗食, 我忍！
紅油豬耳 $58
前菜, 凍既！(緊係凍啦, 涼菜嘛) 豬耳好爽脆入味, 辣味醬汁帶微酸, 零舍開胃。
鐵板魷魚鬚 $90
接下來係熱食, 比較似大排檔風味小炒。魷魚煙韌彈牙, 微辣, 有少少沙茶醬味再加上配菜同食。可以一試。
口水雞(半隻) $98
其實我麻麻地食口水雞(因為有碎骨), 但老婆想食我都會奉陪。味道上同一般坊間食得到既大致相同, 麻辣醬汁配爽滑雞件, 雞肉肉質嫩滑同埋好掛汁。唯一美中不足都係有骨。
火爆腰花 $82
腰花係一樣個人十分喜歡既食材, 加入荀、木耳、辣椒。非常惹味之餘, 令我又再感覺到大排檔小炒風味。(火候真係好重要)
飄香辣子雞 $96
終於返返黎食川菜啦, 辣子雞！滿滿既辣椒加上雞粒, 人品地雞粒十分之多(試過食辣子雞, 入面唔夠10粒雞), 雞肉香脆, 入口辣味豐富之餘仲有少少肉汁。加埋罐可樂真係無得輸。
可樂 $15
Post
