Cow Bean (TKO Gateway) (Closed)

去完坑口買牛角包，就打算食個晚餐醫下肚。呢間餐廳未行入去就聞到陣陣嘅肉香味，完全俾佢吸引住！本身以為佢剩係得扒食，點知原來都有鐵板炒飯烏冬。今次就叫咗個美國肉眼扒同埋鐵板牛肉炒飯。美國肉眼扒$159就有300g，價錢來講係非常相宜。塊扒有鐵板嘅一半咁大，都幾厚。肉味好濃同埋真係好juicy! 一d都唔嚡口！如果佢可以多啲蔬菜類嘅配菜就好啦！鐵板牛肉炒飯味道都唔錯，佢個醬汁好惹味。牛肉份量都算多，燒得啱啱好！另外叫咗柚子茶原本以為係即沖果d，點知原來係韓國罐裝嘅柚子茶，都幾好味！