Video
Read full review
2009-07-27
14 views
N 年前同屋企人食過一次, 依稀記得感覺唔錯, 最記得當年隔離檯個肥仔狂食到入洗手間嘔完出黎再食。今次渣打咭有 discount, 見平平地就同男友重溫當年感覺, 但結果係 -- 十分失望6點45分到達, 冇咩人, 男友第一圈拎左黃金蝦、凍蟹腳、青口、三文魚壽司, 黃金蝦尚可, 青口新鮮; 蟹腳就真係, 如果呢個就係蟹腳既味道, 咁對於從未食過蟹腳既我黎講係唔會再食第二次, 冇味既, 我寧願佢整凍蟹可能仲好味; 三文魚壽司, 魚細飯大, 三文魚叫做有味, 但舊飯一夾即散。食完到我行個圈, 感覺係..冇咩好食, 熱盤唔吸引, 燒味平時食得夠多, 冇興趣, 甜品賣相唔得, 冇我最愛既 cheese cake, 朱古力蛋糕出左一輪就冇, 揀唔落手既情況之下, 拎左皮旦豆腐、鱆紅魚 & 三文魚刺身, 芒果布丁, 味道都係一般....其他食物如下:燒牛肉 -- 燒得嫩但冇香味芝麻卷 - 食紙既感覺, 冇味, 好難食白糖糕 - 冇彈性, 難食到唔識形容 焦糖西米布丁 - 如果熱既話會更加好咖喱雞 + 薄餅 - 全晚最好食呢味芝士 - 未夠室溫就拎出黎, 好硬沙律 - 菜新鮮, 沙律醬汁多選擇 (如
今次渣打咭有 discount, 見平平地就同男友重溫當年感覺, 但結果係 -- 十分失望
6點45分到達, 冇咩人, 男友第一圈拎左黃金蝦、凍蟹腳、青口、三文魚壽司, 黃金蝦尚可, 青口新鮮; 蟹腳就真係, 如果呢個就係蟹腳既味道, 咁對於從未食過蟹腳既我黎講係唔會再食第二次, 冇味既, 我寧願佢整凍蟹可能仲好味; 三文魚壽司, 魚細飯大, 三文魚叫做有味, 但舊飯一夾即散。
食完到我行個圈, 感覺係..冇咩好食, 熱盤唔吸引, 燒味平時食得夠多, 冇興趣, 甜品賣相唔得, 冇我最愛既 cheese cake, 朱古力蛋糕出左一輪就冇, 揀唔落手既情況之下, 拎左皮旦豆腐、鱆紅魚 & 三文魚刺身, 芒果布丁, 味道都係一般....
其他食物如下:
燒牛肉 -- 燒得嫩但冇香味
芝麻卷 - 食紙既感覺, 冇味, 好難食
白糖糕 - 冇彈性, 難食到唔識形容
焦糖西米布丁 - 如果熱既話會更加好
咖喱雞 + 薄餅 - 全晚最好食呢味
芝士 - 未夠室溫就拎出黎, 好硬
沙律 - 菜新鮮, 沙律醬汁多選擇 (如果呢樣咁簡單既都做唔好就死得啦~)
越南春卷 - 男友話 ok
總括黎講, 以呢個質數收呢個價錢, 6 折我都俾多佢, 真係超級唔抵, 兩個人拎 $500 出街有大把選擇, 唔會有下次喇~
Post