十二味不只是烤魚 (Closed)

家人慶生，由於壽星鍾意食魚加上有人推介，所以就book位黎食。星期六晚七點都唔爆，等左幾分鐘就入得。叫左小辣江團魚、蓮藕片、薯粉、幾碟牛⋯⋯其實食唔出啲魚有咩特別，淨係食到好勁嘅麻辣，唔明點解可以賣到咁貴，$3xx得嗰兩條。只係小辣，已經辣到要飲野，桂花冰釀賣哂，唯有叫藍妹。可能太辣，啤酒又夠凍好好飲。反而蓮藕片、薯粉同牛同個麻辣湯底好夾，好正！份量少想追加，但望住個menu真係唔知叫咩好。食完會明點解公眾假期加星期六加黃金時段都唔爆，因為真係好貴，份量又少，食完要食埋甜品先飽。