川居雲南風味米線專門店 (Closed)

第一次在同一個星期內幫襯兩次同一食肆，因為在旺角真係諗唔到冇什麼好食。當然一定不會重複幾日前食過的東西。上次臨走前已打算再來的話﹐食手撕麻辣雞涼拌米線，有了上次中辣經驗，覺得唔夠辣，今次升級要大辣，大辣果然好夠麻又好夠辣，不過比四姐同周媽媽，這個麻的程度還差少少。除了手撕雞外，還有蟹柳、青瓜同炸雞塊等配料，其中炸雞塊最難食，又凍又唔脆。噴火麻辣湯米線﹐聽個名好似好辣，所以這碗只要了中辣，食完之前大辣的涼拌米線後，這個麻辣程度真是小兒科，麻辣程度唔夠，而配料有豬軟骨、雞腿菇、玉子豆腐等，豬軟骨賣相深紅色，色水好假，好似染好多色素，雖然肉質好諗但完全唔入味。蜜川雞-真係幾有蜜汁味而且夠晒入味，似食緊bbq 燒雞翼，雞肉雖嫩，但當然唔好期望有什麼雞味。