華豐燒臘專家 (Moved) New Location

食燒味，一般嘅地方都好逼夾，想坐得舒服就要去鏞記，不過呢間華豐成日lunch time都排長龍。首先，嘢食都唔錯，燒鵝賣，退而求其次叫咗燒鴨燒肉雙拼，男朋友叫咗燒鴨叉燒雙拼，呢間做得都幾入味，不過偏肥，雖然已經叫咗「要瘦」，不過都係肥，燒肉個皮實到就快咬崩我隻牙，反而叉燒又林又入味，燒鴨都唔錯。另外，如果午市套餐，我建議叫「特選燒味午餐」，佢特別在個飯唔係一般嘅炒飯，而係用瑤柱疍白炒飯，唔油，正！例湯都好飲，不過最好早d去，早好食d湯清d, 一遲去，d湯去到底都好混濁，所以建議早去雖然成70蚊一位，不過有炒飯，有雙拼，有湯，又坐得舒服，地方乾乾淨淨，中環唔算貴