Video
Read full review
2008-05-17
14 views
一直都"久仰"明將大名，無論朋友、我細佬或者食評都講到咁差，都想試吓有幾難食，但係每次都係見到排長龍而作罷。星期五同朋友仔再加埋細佬去完黃金，又去踫吓"運氣"，當時18:30，有幾班人入緊去，我地最後被安排坐背向門口嗰位。報告如下:-條輸送帶我唔知係繞場一週，還是局部地區性，我地呢邊永遠都係魷魚呀、赤貝呀、鳥貝、熟蝦同冷麵。對面條line全部都係卷同豬肉鬆軍艦。我地兩邊d人不斷穿梭往來攞嘢，認真搞鬼。-落orde起碼r等十五分鐘以上: 第一轉叫咗蟹柳、三文魚、飛魚子同北寄貝，侍應阿姐溫馨題示我地每樣叫兩碟最好，ok!等咗十五分鐘，全部嚟齊。再嚟第二回合，三文、吞拿魚沙律、鰻魚各二，等咗三十分鐘，真係等到飽晒，決定放棄埋單走人。我終於明白何解成日排長龍，入面d人等食物要等咁耐，兼唔限時，有排食；出面輪候d人又越來越多，梗係排晒隊啦!-侍應阿姐(有小部份係阿妹)態度算係咁啦，呢d地方我唔期望會有上佳服務，兼且人又多，師傅又唔多夠，d客又追order，佢都無奈，但求無寸寸貢黑面我接受到。我見幾枱客追單，唔理佢扮嘢定係咩，都行去追吓，最後返嚟同佢地講不如再落多次order啦....都算有個交待
報告如下:
-條輸送帶我唔知係繞場一週，還是局部地區性，我地呢邊永遠都係魷魚呀、赤貝呀、鳥貝、熟蝦同冷麵。對面條line全部都係卷同豬肉鬆軍艦。我地兩邊d人不斷穿梭往來攞嘢，認真搞鬼。
-落orde起碼r等十五分鐘以上: 第一轉叫咗蟹柳、三文魚、飛魚子同北寄貝，侍應阿姐溫馨題示我地每樣叫兩碟最好，ok!等咗十五分鐘，全部嚟齊。再嚟第二回合，三文、吞拿魚沙律、鰻魚各二，等咗三十分鐘，真係等到飽晒，決定放棄埋單走人。我終於明白何解成日排長龍，入面d人等食物要等咁耐，兼唔限時，有排食；出面輪候d人又越來越多，梗係排晒隊啦!
-侍應阿姐(有小部份係阿妹)態度算係咁啦，呢d地方我唔期望會有上佳服務，兼且人又多，師傅又唔多夠，d客又追order，佢都無奈，但求無寸寸貢黑面我接受到。我見幾枱客追單，唔理佢扮嘢定係咩，都行去追吓，最後返嚟同佢地講不如再落多次order啦....都算有個交待嘅，係我唔再追啫。
-可能太多order，d飯煮完唔等佢凍就照用，無計!鬼叫佢價錢夠cheap。
-食物其實唔算係垃圾咁誇張，(我好耐無用垃圾嚟形容d食物，因為細個俾阿爸鬧，話世界上有好多人慘到連圾垃都無得食，只能夠用「難食」嚟形容頂級唔好食嘅感覺 ) 我食過有d七蚊碟嘅仲差過佢，分別只係人地嗰舊係凍嘅，所以覺得正常d。d飯可能係有d熱氣，會黏住隻碟嘅。三文魚係"燈影三文魚"，超薄。其他都算係正常，可以接受，大約食咗二十幾碟。呢間嘢俾人鬧成咁，實在有d不解，四十幾蚊,任食wor!仲想點?味道唔會期望有元x質素啦!咪當食百x、惠x、吉x島d收工前特價品囉!討厭嘅係等order要等咁耐就真係把火啲。
除咗我地呢3件加埋總共70歲嘅老嘢之外，食客大多數係d中學生，或者係父母帶d細路嚟滿足佢地食壽司嘅願望。我細佬話，讀中學無咩錢食好嘢，成班同學仔又想食壽司又無錢，男仔又大食，四十幾蚊，別無他選喇!呢度都係一個回憶嚟嘅。見d學生哥都食得幾開心吖，所以呢度都算係一個學生飯堂，諗起以前讀書想食壽司都係去d咩金井買外賣，仲要就住荷包買三四舊咋!
有機會(真係有排)嘅話我都會再去嘅，不過我睇唔會係晚飯時間去囉。
Post