品坊 (Closed)

呢排香港局勢好緊張，諗住放假食返餐開心下，搵左間主題係食海鮮嘅自助餐試下。點知出到去拎野食就覺得瀨野。精選海鮮：青口、龍蝦仔、蜆刺身：三文魚、蟹柳可能我無乜食過lunch buffet,估唔到酒店可以拎蟹柳出嚟做刺身，咁我不如去明將好過啦，可能仲多啲驚喜。有雞蛋仔，不過比街外果啲難食，做唔到外脆內軟嘅感覺，如果外國人喺呢度第一次食雞蛋仔，我諗佢以後唔會想再食。食物款式少，添菜速度慢，最吸引嘅我覺得係咖啡機沖杯咖啡。180蚊一位，真係食個環境坐得舒服啲咁上下。