Video
Read full review
2020-10-09
195 views
各位鍾意食甜品嘅朋友仔， 記得留意返，呢間甜品舖唔係地舖， 而係要響The Humphrey 商業大廈3樓! 呢間商業大廈，冇錯， 睇落去似一間酒店多啲， 都幾grand幾靚！入到去間餐廳， 簡直所有童年回憶返晒嚟！好似一個遊樂場，甜品屋嘅裝修好似小朋友嘅冒險樂園， 非常有童真，七彩繽紛， 有唔同嘅可愛擺設同埋小飾物， 仲有好多得意嘅豬仔㖭！店員姐姐非常好耐性， 細心同我哋講解唔同嘅甜品。 雖然個價錢稍高， 但質素絕對係物有所值， 當日我淨係同咗一個女仔朋友去， 但我下次會嗌多兩個朋友一齊食。 四個人食會開心啲， 因為真係好多款式可以大家分享！！！！首先我哋嗌咗一個甜品拼盤， 最大嘅特色就係佢會精挑細選五款主打甜品， 另外有三款神秘甜品( 雖然神秘甜品可以單點) ， 驚喜十足啊！！ 但對於我呢啲男仔， 其實唔係好識得分食邊啲先。 正多我哋望到眼花繚亂， 我同我朋友諗住食咗好快會溶嘅雪糕先， 點知盡責嘅店員姐姐行過嚟同我哋講解， 正確嘅進食次序。 佢話冰綠茶朱古力甜品( 即係綠色方塊嗰個) 同埋黑松露甜品 ( 好似白色蘑菇嗰個) 由於味道最濃， 建議最後先食。 而應該先食香蕉甜品， 同
入到去間餐廳， 簡直所有童年回憶返晒嚟！好似一個遊樂場，甜品屋嘅裝修好似小朋友嘅冒險樂園， 非常有童真，七彩繽紛， 有唔同嘅可愛擺設同埋小飾物， 仲有好多得意嘅豬仔㖭！
店員姐姐非常好耐性， 細心同我哋講解唔同嘅甜品。 雖然個價錢稍高， 但質素絕對係物有所值， 當日我淨係同咗一個女仔朋友去， 但我下次會嗌多兩個朋友一齊食。 四個人食會開心啲， 因為真係好多款式可以大家分享！！！！
首先我哋嗌咗一個甜品拼盤， 最大嘅特色就係佢會精挑細選五款主打甜品， 另外有三款神秘甜品( 雖然神秘甜品可以單點) ， 驚喜十足啊！！ 但對於我呢啲男仔， 其實唔係好識得分食邊啲先。 正多我哋望到眼花繚亂， 我同我朋友諗住食咗好快會溶嘅雪糕先， 點知盡責嘅店員姐姐行過嚟同我哋講解， 正確嘅進食次序。 佢話冰綠茶朱古力甜品( 即係綠色方塊嗰個) 同埋黑松露甜品 ( 好似白色蘑菇嗰個) 由於味道最濃， 建議最後先食。 而應該先食香蕉甜品， 同埋綠色斑蘭麵包布甸先， 因為呢兩個係熱食 。 (Thank you so much ! TnT)
要逐個甜品講就無謂啦 ， 因為基本上每一個都好好食。 例如你見到士多啤梨玫瑰味嗰個甜品， 店員就教我哋點樣用兩隻叉拮落去， 然之後逆時針打轉， 張入面嘅脆皮同嗰啲慕絲拌在一起， 果然食落去真係唔同啲。 如果佢唔同我講我仲以為應該直接食咗個玫瑰先。 碟上面嘅所有裝飾， 例如蝴蝶， 玫瑰， 鈕扣， 通通都係可以食得落肚， 嗰啲鈕扣其實係牛奶朱古力，正！
我覺得呢間甜品店另一個特色就係多水果。 雖然話就話甜品都係多糖多奶， 食得多會太甜， 但呢度嘅甜品師傅好識得善用水果， 令到甜品甜而不膩， 水果入面嘅水份亦都令到食物嘅甜味得以中和， 可謂聰明之舉。
整體嚟講， 成個進食同埋用餐體驗都係非常正面同埋舒服， 空間好闊落， 嗰度嘅廁所亦都非常乾淨光猛， 值得再去！
Post
