壽司郎 (Closed)

今日真係好彩，同事臨時唔去食壽司郎，讓左個時間比我，造就左我第一次食壽司郎既經驗。話說壽司郎book位都要成個月，仲要好難book到靚時間。真係多謝晒好同事。我地係預約左既時間到店鋪，店鋪walk in 人山人海，逼到一個點。不過預約左既，就會make sure你15分鐘內入到去食野。等左無耐就入得，會有店員為你帶位。我地被編到迴轉壽司帶側邊既其中一個卡位。注意，用餐時間得一個鐘，要同時間競賽了～點餐可以用tablet叫或者係壽司帶上面拎。店員係你臨走時會點番唔同顏色碟既數目，再埋單。我地今次試左唔同壽司，壽司可以係迴轉帶上就咁拎。例如大拖依類，都幾好食，可能turnover rate高，好新鮮。而都有試下熟食，如烏冬，係tablet叫完後會係你個位上面既輸送帶送上，好似有架專車送黎既感覺🤣，幾過癮。但佢既麵食比較似即食麵feel，可免則免。好似即食麵咁焗熟甜品方面，佢既千層蛋糕相當出色，值得一試👍🏿最後我地食到好飽，食左成粒鐘要成四舊水埋單，不過如果唔食咁多，下次都唔知幾時先約到期食呢。總結：幾好既日式迴轉壽司經驗，自助服務方面，坐低自己可以拎黎食。唯用餐時間過短，期望可加長。