鐵板超

Open Now

Now Closed

今次揀左一間日式鐵板燒餐，我一行二人，order左一個二人套餐。主菜第一味會燒大大隻鮑魚，鮑魚爽口得來，入面好林好軟滑，從未食過呢個口感嘅鮑魚，真係好特別。第二味主菜係龍蝦，師傅用佢高超嘅技術，好容易就一邊煎一邊將龍蝦肉取出，將龍蝦頭入邊嘅蝦膏取出，加入調味再混入龍蝦肉入面一齊煎。聞到都覺得香。師傅輕鬆地將龍蝦肉切開，分成兩碟。之後，再將龍開頭開邊，將佢放入湯入面，令一個普通嘅湯，變成充滿龍蝦湯嘅鮮味。一道食材煮到2個菜色，好厲害。第三味係鵝肝，外脆內軟，好香滑。第四味係和牛，肉質香滑，入口即溶，配埋蔬菜一齊食，好配合，而且唔會覺得過油。最後仲有炒雜菜，同埋蟹籽炒飯，鑊氣十足，調味淡淡地，食到食材嘅鮮味。甜品有兩個選擇豆腐雪糕或者綠茶雪糕，唔兩款都咁好味。而且服務非常周到，不停refill熱茶。總結全部食物都好好味，飽到攬住個肚都要繼續食。yummy!