胡爐 (Closed)

天氣轉凍最岩就打邊爐，呢間胡爐之前幫襯過，好足料同抵食，所以冬天再去尖沙咀分店打邊爐。湯底：川味酸菜鴨湯鍋$288入面都幾多料 有芫茜,蒿苣, 枝竹,豆卜,鴨肉，但味就偏淡，係香港人都接受到既味道，可以就咁試試佢個湯，如果重口味者 可以自己加d 蒜,辣椒,豉油去添味。胡爐牛拼盤$388牛胸爽好出色，有陣陣牛香味，而且有咬口，油脂同肉比例適中。牛粒都幾好食，唔會有筋啖啖肉咁，牛肉鮮味都重，一啖一粒剛剛好。黑松露墨魚丸 （半份）$52好香既黑松露味，手工打係唔同d，充滿住墨魚肉，好有口感，市面上較少見，而且加埋湯汁，增加風味。牛骨牛汁丸（半份）$48比普通牛丸更彈牙，更有肉汁，而且有少少牛骨增加口感。環境方面，裝修古典中國風，仲有獨立房 可以book，有特色。樓面加安排入座既員工好快手 有空盤就即收走，會時不時主動問要唔要加湯，都幾好禮貌。