喜鍋 海鮮.點心.活刺身 蒸氣石鍋專門店 (Closed)

前排第一次食蒸氣火鍋 有一個幾唔錯既印象 所有蒸氣火鍋都會選一個粥 係食哂啲野之食的 因為食物既精華會落哂個粥 而我選左南瓜瘦肉做配料 蒸氣火鍋主要都係食海鮮 而今次呢間係可以利去魚缸度睇下邊樣新鮮生猛先落單既 幾唔錯 ！ 我地點左南非龍蝦 開頭覺得價錢幾貴 但食落就覺得係值呢個價錢 因為咬落啲龍蝦肉好爽口彈牙 而且蒜茸並冇蓋過龍蝦既鮮味 真心好食 另外點左美國石蠔 配薑蔥蒸 蒸落分零鐘 好快就食得 食落 有少少海水味 亦好好好肉！ 除左海鮮，我仲叫碟牛肉 食之前諗左好耐到底係蒸定係最後掉落粥度滾😂 原來都唔係 係用蒸氣好似煎咁 每邊十秒再反下就即刻食 食落有入口即溶既感覺 亦食到原汁原味既牛味 食落堅係有汁！ 最後 食個粥雖然個粥底既料只係有排骨同南瓜 但之前食落既材料既汁都滴左落去 於是個粥就充滿海鮮既鮮甜味 味道好好！ 呢一餐其實仲叫左好多野 質素都好好 對得住一分錢一分貨呢句說話 下次有特別日子都會再黎食飯！