Video
Read full review
2010-09-17
80 views
大約一星期前, 師傅約左師妹食晚飯, 而地點係喺天水圍呢個鄉下地方; 講真呢個鄉下地方真係冇咩野特別好食, 於是師傅又上黎呢度做下資料搜查, 無意間比師傅搵到呢間食店, 見好多人都話唔錯, 加上又未試過, 喺師妹又唔反對嘅情況下就已呢間食店作為當晚嘅晚餐!去到食店大約晚上八點鐘, 竟然非常多人喺度等位, 師傅照樣攞張飛仔先, 心諗如果要等太耐就轉場, 點知攞完飛望下又唔係等好多, 就索性行都唔行喺度等一陣, 結果唔使十五分鐘就有枱! 入到食店分開戶外同戶內, 其實戶外就即係坐商場, 戶內係坐於餐廳裡, 幸好師傅係坐喺戶內, 否則師傅寧願再等多幾張!坐底後當然係睇下有咩想食, 師傅就鬼死咁肚餓, 見到每款食物都好鬼想食, 最後同師妹商量左一陣, 就得出以下嘅結果! 師傅先揀左個湯係意大利菜湯, 而師妹就揀左粟米忌廉湯, 仲有辣味雞翼四隻, 香辣腸四條, 牛油漢堡比薩同埋吞拿魚辣汁意大利粉, 再每人加多十二蚊試下個飲品吧!落完單唔使等幾耐就已經有得食, 第一道菜當然係湯啦, 意大利菜湯個賣相同餐牌裡張相真係差好遠, 感覺有如雙睇前大家都會比張最正嘅相做招牌, 當見過真人後就會發覺唔係嗰回事
去到食店大約晚上八點鐘, 竟然非常多人喺度等位, 師傅照樣攞張飛仔先, 心諗如果要等太耐就轉場, 點知攞完飛望下又唔係等好多, 就索性行都唔行喺度等一陣, 結果唔使十五分鐘就有枱! 入到食店分開戶外同戶內, 其實戶外就即係坐商場, 戶內係坐於餐廳裡, 幸好師傅係坐喺戶內, 否則師傅寧願再等多幾張!
坐底後當然係睇下有咩想食, 師傅就鬼死咁肚餓, 見到每款食物都好鬼想食, 最後同師妹商量左一陣, 就得出以下嘅結果! 師傅先揀左個湯係意大利菜湯, 而師妹就揀左粟米忌廉湯, 仲有辣味雞翼四隻, 香辣腸四條, 牛油漢堡比薩同埋吞拿魚辣汁意大利粉, 再每人加多十二蚊試下個飲品吧!
落完單唔使等幾耐就已經有得食, 第一道菜當然係湯啦, 意大利菜湯個賣相同餐牌裡張相真係差好遠, 感覺有如雙睇前大家都會比張最正嘅相做招牌, 當見過真人後就會發覺唔係嗰回事, 絕對有覺得比人搵笨, 所以師傅當下就絕對有被昆嘅感覺; 雖然樣貌打左折扣, 但點都要試下, 入口發覺意大利菜湯嘅菜係腍都唔腍下, 入口係勁爽口, 連菜都煲得唔腍又似乎差左d, 而味道一般, 成個湯係絕對有驚喜, 驚喜程度係估唔到咁差! 至於粟米忌廉湯師傅亦有幸一試, 感覺都係普通, 但相比起菜湯就一定好好多!
辣味雞翼香香脆脆, 仲辣辣地幾惹味, 加上肉身鬆滑, 絕對唔韌, 整體真的不錯; 香辣腸竟然伴左四條薯角, 香辣腸係鐵板上, 呢個位師傅真係估佢唔到, 而腸仔真係幾香口, 入口脆身不過略嫌多油, 而薯角就幾乾身, 成份香辣腸算過得去啦! 至於牛油漢堡比薩嘅漢堡香身, 薄餅就韌少少, 師傅就麻麻地; 最後係吞拿魚辣汁意大利粉, 意大利粉本身夠腍, 配上辣汁係絕對惹味, 可惜吞拿魚都幾腥, 影響左整體質素, 意粉好味過吞拿魚多多聲! 至於飲品吧係任飲, 有汽水, 咖啡, 濃茶等, 縱使食唔飽都可以飲飽!
總括黎講食物質素一般, 環境光猛舒服, 服務態度合格, 而價錢就相宜, 食左咁多野都唔使百四,係幾經濟不過唔算抵食! 坦白講咁嘅價錢去必勝客就一定唔得, 但相對地水準會高番唔少, 所以呢句話永遠都啱聽, 就係 “一分錢就一分貨”! 笑臉比唔到但亦唔會喊, 不過再黎機會不大!
Post
