粵品軒

Open Now

Now Closed

呢間私房菜格局嘅中式餐廳，鋪位唔大，夜晚都唔少人。叫完嘢食之後侍應就攞咗兩碟小菜嚟，我哋唔食又唔想晒，叫侍應收走，佢同左經理講先肯收，就冇收我哋小菜費（閑閑哋都要$30一碟😓）脆皮五香卷（$58）都有好多舊，炸得好脆好香口😋古法羊腩煲 例（$298）唔係講笑，我真係未食過咁靚嘅羊腩煲😯舊舊羊腩都好腍好靚，唔會太多肥膏。個皮又唔會太韌又唔會太厚，可以食埋。蒜片雪花肥牛粒 例（$168）好多脆嘅蒜片，肥牛粒用咗幾甜嘅醬來炒，牛肉嘅質素都好靚好腍👍🏻。海鮮雜菜煲 例（$168）有三隻靚蝦同埋三舊帶子🤩D雜菇係曬乾過所以有啲味道😋唔會好寡。蔬菜都好鮮綠，好新鮮。象拔蚌都特別靚，係爽口嘅，唔係好似平時嗰D咁韌。仲有D幾大隻嘅蝦乾👍🏻黑醋蕎頭排骨 例（$128）炸法好似咕嚕肉，但係個汁就有啲醋味，唔係好多舊但係都外脆內軟😋。生磨杏汁燉白肺 位（$78）味道夠晒濃，材料都足👍🏻價錢唔平，但係食物質素係唔錯嘅👍🏻唯一嘅係經理嘅服務態度一般，希望可以改善💪🏻。