Video
Read full review
2009-11-07
4 views
今次突然同個朋友出去食飯，心諗8點零去銅鑼灣食飯，除非你去高級食肆，如果唔係難免要等好耐(因為本人無甚耐性，等好耐位唔係我杯茶)。不過既然係朋友介紹0既，即管一試喇。大概係8點出頭去到，入到去好似只有4/5 枱客，客人真係唔係咁多。呢度燈光真係昏暗，而且人客並唔係太多，幾適合情侶約會，又或者係約埋兩三知己吹水。不過入場都有諗過，正值食飯高峰期，點解會唔少人0既，唔通唔好食 ... 由於朋友0既極力推薦，我地最後點左呢度出名0既長崎拉麵以及特製什錦豬骨湯麵。所謂0既長崎拉麵，其實係講緊由幾種唔同0既海鮮再加上豬肉、木耳、野菜等材料而成。而特製什錦豬骨湯麵，就係由叉燒、肥豬肉、溫泉蛋等材料再加上濃郁0既湯底而成。除兩碗拉麵之外，我地亦有點左1個吉列炸蠔。喺主菜黎之前，首先黎0既係一D前菜 。不過就咁睇，真係睇唔出係乜野夾乜野，咁我就去問服務員係乜啦... 點知佢俾佢耍左一輪太極都唔知係乜 .... 咪唯有算囉 呢度可以話係成個晚飯最美中不足0既一環。首先黎0既係長崎拉麵，佢一上菜我真係吓左一大跳 : 咁大碗0既 ! 老實講感覺唔倒佢有放D乜名貴食材 (除非你話墨魚好貴?!)，不過應該係
大概係8點出頭去到，入到去好似只有4/5 枱客，客人真係唔係咁多。呢度燈光真係昏暗，而且人客並唔係太多，幾適合情侶約會，又或者係約埋兩三知己吹水。不過入場都有諗過，正值食飯高峰期，點解會唔少人0既，唔通唔好食 ...
由於朋友0既極力推薦，我地最後點左呢度出名0既長崎拉麵以及特製什錦豬骨湯麵。所謂0既長崎拉麵，其實係講緊由幾種唔同0既海鮮再加上豬肉、木耳、野菜等材料而成。而特製什錦豬骨湯麵，就係由叉燒、肥豬肉、溫泉蛋等材料再加上濃郁0既湯底而成。除兩碗拉麵之外，我地亦有點左1個吉列炸蠔。
喺主菜黎之前，首先黎0既係一D前菜 。不過就咁睇，真係睇唔出係乜野夾乜野，咁我就去問服務員係乜啦... 點知佢俾佢耍左一輪太極都唔知係乜 .... 咪唯有算囉 呢度可以話係成個晚飯最美中不足0既一環。
首先黎0既係長崎拉麵，佢一上菜我真係吓左一大跳 : 咁大碗0既 ! 老實講感覺唔倒佢有放D乜名貴食材 (除非你話墨魚好貴?!)，不過應該係太過足料0既關係，感覺D都唔孤寒 (反而仲覺得佢好DUM本添)。
至於湯底方面，雖然都係用豬骨湯餚成0既，但係感覺一D都唔會有好濃烈，反而覺得佢係幾清0既。由於自己一向唔係咁喜好太咸及油膩0既食物，呢個湯底，甚至乎個麵我都覺得幾唔錯。
未幾什錦湯麵終於黎到，AGAIN，係好大碗0既... 而且我心諗 : 雖然係兩個男仔，會唔會食唔晒 ... (而且仲有個蠔)。呢個湯麵同剛啱0既長崎湯麵感覺差好遠 - 可能先入為主，飲左啖湯就覺。呢個湯底比剛才0既濃郁得多，而且面頭都有好'適量'0既油，我個人飲左一兩啖己經放棄。
當然，亦都由於呢個主打係豬肉 (叉燒+肥豬肉)，食落會更加'滿足'。不過，毫無疑問，佢整0既叉燒同肥豬肉都係肉感非常豐富 (不過我係冇食肥豬肉嗰D肥膏)，而且完全冇乾爭爭0既感覺，鍾意食叉燒拉麵0既朋友，一定要試。
當然值得一提0既係佢隻蛋... 雖然飲左個濃湯，食左個肥豬肉，仲有唔少拉麵，真係會有飽0既感覺，但係食落隻蛋依然一讚，蛋白柔軟得呢，蛋黃有嗰種糖心0既感覺，兩個人SHARE 一隻蛋啱啱好。
由於我地兩位要保留少少空間俾隻蠔，所以我地最後係浪費左少少拉麵 (約莫有成1/4 碗豬骨湯拉麵)，不過長崎拉麵個湯底我係依然飲晒，因為實在太好飲。但係豬骨湯呢個就真係唔得喇，唔想油太大量0既油... ...
要重申0既係豬骨湯底真係其實唔錯，只係個人喜好問題並冇飲晒。
最後黎0既吉列炸蠔其實都唔錯，不過由於同其他地方食到0既都差唔多，所以唔提。
個人認為如果係拍拖黎0既，可以點一個拉麵就夠，另加1/2 個小食即可。此舉既唔會浪費食物，又可以充份享受美食0既滿足感 (始終，食得太飽食慾會大減)。而且更可以享受0既係呢度寧靜0既環境，喺做完一日野，辛勞完一天之後，享受並感受同朋友一齊食美食0既機會，絕對係另一種充電。
走0既時候己經過左9點半，但係發覺走0既時候比黎0既時候更多人 (都坐左7成左近)，睇黎有識食之人鍾意更夜黎，真係失覺晒。
Post
